ဒီနေ့ဟာ ကျွန်တော့်ဘ၀ထဲက ကျွန်တော်အချစ်ဆုံးလူတွေထဲက တစ်ယောက်ရဲ့မွေးနေ့ပါ.. တိုက်တိုက်ဆိုင်ဆိုင် သူ့မွေးနေ့မှ မန္တလေးမှာ မိုးတွေရွာနေပါတယ်.. သူ့အတွက် ဒီတစ်နှစ်တာဟာ အေးချမ်းမယ့်နိမိတ်လို့ပဲ ယူဆလိုက်ပါတယ်.. ၂၀၀၈ ခုနှစ် သူ့မွေးနေ့တုန်းက သူ့အိမ်မှာ ရှမ်းခေါက်ဆွဲလုပ်ကျွေးတယ်.. သူချက်တယ်များ မထင်လိုက်ပါနဲ့.. သူ့အမေချက်ကျွေးတာပါ.. မိန်းကလေးဖြစ်ပေမယ့် ထမင်းချက်ကလွဲရင် အချက်အပြုတ် အင်မတန်ညံ့သော ကောင်မလေးပေါ့.. ဒါပေမယ့် ဈေးဝယ်တာတော့ သိပ်တော်တယ်.. ကျွန်တော်တို့ထက် အများကြီးဈေးဝယ်တတ်တယ်.. သူများချစ်အောင်လည်း သိပ်နေတတ်တယ်.. ခင်ခဲ့ရတာ တစ်နှစ်သာသာအတွင်းမှာ ကျွန်တော့်ရဲ့အချစ်ဆုံးလူတွေစာရင်းထဲ ရောက်လာခဲ့တာ သူ့စိတ်လေး ဘယ်လောက်ချစ်စရာကောင်းမလဲဆိုတာ မှန်းသာကြည့်တော့.. သူက ကျွန်တော့်ဘ၀ထဲက ဒုတိယမြောက် အချစ်ဆုံးမိန်းကလေးသူငယ်ချင်းပါ.. တိုက်တိုက်ဆိုင်ဆိုင် ကျွန်တော့်အချစ်ဆုံးလူတွေအားလုံးရဲ့နာမည်မှာ “ဇင်” ပါပါတယ်.. သူက “ဇင်”] အထွေးဆုံးပေါ့.. သူက သူများကို ကူညီချင်စိတ်လည်းရှိတယ်..ကူညီရမယ်ဆို မငြီးမငြူ အစအဆုံး ကူညီပေးတတ်တယ်.. အလုပ်လည်းသိပ်လုပ်နိုင်တဲ့သူ.. လုပ်ရလွန်းတယ်လို့လည်း မညည်းတတ်တဲ့သူပါ.. ရည်မှန်းချက်ကြီးသလို ရည်မှန်းတဲ့အတိုင်းလည်း အောင်မြင်အောင်လုပ်နိုင်တဲ့သူမို့ ကျွန်တော့်ထက်ငယ်ပေမယ့် သူ့ကိုချစ်ခင်ရုံမက လေးလည်းလေးစားပါတယ်.. (အလုပ်အကိုင်၊ ရည်မှန်းချက်နဲ့ပတ်သက်ရင် ပြောတာပါလေ :P )
မနှစ်က သူ့မွေးနေ့မှာ သူနဲ့အရင်းနှီးဆုံးလူတွေလောက်ပဲ အိမ်မှာမုန့်ခေါ်ကျွေး.. ကျန်တဲ့ရုံးကလူတွေကိုကျ Coffeemix တစ်ယောက်တစ်ထုပ်စီဝေပေး.. မွေးနေ့လို့မပြောဘဲ ဘာအထိမ်းအမှတ်မှန်းမသိ.. သူများတွေကို ပဟေဠိလုပ်ရတာ သဘောကျနေခဲ့တဲ့သူပေါ့.. အခုတော့ ကျွန်တော်တို့နဲ့ဝေးရာမှာ.. မွေးနေ့ပွဲကို သူငယ်ချင်းဗလာနဲ့ ပျော်ရှာပါ့မလားလို့တွေးမိတယ်.. ဒါပေမယ့် အဲဒီမှာ ကျွန်တော်မသိတဲ့ သူ့သူငယ်ချင်းတွေနဲ့ ပျော်ချင်လည်း ပျော်နေမယ်လို့ တွေးမိတော့ စိတ်သက်သာပါတယ်.. ကျွန်တော်ကတော့ စိတ်တစ်မျိုး.. ကိုယ်တကယ်ချစ်ခင်တဲ့သူတွေ ကိုယ့်အနားမှာမရှိလည်းပဲ သူတို့ အဆင်ပြေတယ် ပျော်နေတယ်ဆိုတာကြားရရင်ကို စိတ်ချမ်းမြေ့ပါတယ်.. ပျော်ရွှင်သောမွေးနေ့ဖြစ်ပါစေ.. အခုအချိန်မှာ အလိုအပ်ဆုံးအရာတွေကို အဆင်ပြေပြေနဲ့ ရရှိနိုင်ပါစေလို့ ဆုတောင်းပေးလိုက်ပါတယ်.. Happy Birthday, May Zin ..
Labels: Memories
Posts
