နောက်ထပ်ပြောင်းတက်ရတဲ့ကျောင်းကတော့ နေးတစ်မြန်မာဖိုရမ်က မန်ဘာနှစ်ယောက်ရဲ့ နေရာဟောင်းကကျောင်းကိုပါ .. အဲဒီကနေ ပြောင်းခဲ့ပြီးကတည်းက အဲဒီကို တစ်ခေါက်မှ ပြန်မရောက်တော့တဲ့အတွက် နေရာဒေသ အနေအထားတွေ အဖြစ်အပျက်တွေ လွဲနေနိုင်ပါတယ်..

အဲဒီကျောင်းက တောင်ကုန်းလေးပေါ်မှာရှိတယ် အမှန်တော့ ကျောင်းရှိတဲ့ နေရာတင်မကပဲ အဲဒီနယ်တစ်ဝိုက်ကကို ကုန်းတက်ကုန်းဆင်းတွေပေါတာပါ.. ကျွန်တော်နေတဲ့အိမ်ကနေ ကျောင်းကိုရောက်ဖို့ မိနစ် ၂၀ ၊၂၅ လောက် စက်ဘီးနင်းရတယ်ထင်ပါရဲ့.. အိမ်နဲ့ကျောင်းနဲ့က နည်းနည်း အလှမ်းဝေးတယ်.. အိမ်က စက်ဘီးဝယ်မပေးနိုင်ခင်ကဆို အကျဉ်းဦးစီးကကျောင်းကားနဲ့ လိုက်ရပါတယ်.. မျက်နှာငယ်ငယ်နဲ့ပေါ့ .. ကျောင်းကိုရောက်ခါစ တစ်ရက်.. ကျောင်းဆင်းချိန်မှာ ကျောင်းကားက ကျွန်တော်တို့ကိုမခေါ်ပါဘူး.. ဒါနဲ့ မခေါ်လည်းနေကွာ..ဆိုပြီး ကျောင်းကနေ အိမ်အထိ မောင်နှမနှစ်ယောက်သား လမ်းလျှောက်ပြန်ခဲ့ဖူးပါတယ်.. တစ်နာရီလောက် လမ်းလျှောက်လိုက်ရတယ် မှတ်တာပဲ.. နောက်ပိုင်းကျတော့ဆိတ်ငါးကောင် တရုတ်စက်ဘီးလေးကို အိမ်က ၀ယ်ပေးပါတယ် အဲဒီအခါမှပဲ သူများကျောင်းကားကို တားစီးရတဲ့ဒုက္ခ လွတ်တော့တာပါ...

ကျွန်တော်တို့ ပထမတစ်ခါငှါးနေတဲ့အိမ်ကနေ စက်ဘီးနဲ့ကျောင်းကို အဝေးပြေးလမ်းမကြီးကနေ သွားရင် လမ်းဘေးဝဲယာက လယ်ကွင်းတွေပါ.. နောက်.. ရွာအ၀င်က ဆည်ရေသွယ်ထားတဲ့မြောင်းနံဘေးကနေ ဖြတ်ပြီး ရွာထဲဝင်၊ ရွာကိုဖြတ်သွားပြီးတဲ့နောက် တက္ကသိုလ်ကျောင်းတွေ ရှိတဲ့နေရာကို ဖြတ်ရပါတယ်.. အဲဒီနယ်မှာ အထင်ကရ တက္ကသိုလ်သုံးခုရှိတယ်.. စားသောက်ဆိုင်တန်းတွေမှာ ကျောင်းသား ကျောင်းသူတွေ တရုံးရုံးနဲ့ .. မြင်ရတာနဲ့ကို ပျော်စရာကောင်းပါတယ်.. အဲဒီနောက် မြေပြန့်လမ်းမှာ စက်ဘီးဆက်နင်း..

ကျောင်းကိုရောက်ဖို့ ကွန်ကရစ်ခင်းတဲ့ ကုန်းမော့မော့ကို အရင်တက်ရတယ်.. ကွန်ကရစ်လမ်းလွန်ရင် မြေနီလမ်း .. ကျောင်းသွားတဲ့လမ်းက တလျှောက်လုံး အတက်ချည်းပါပဲ .. အဲဒီအတက်တွေကို ကျွန်တော်က စက်ဘီးနင်းတက်နေကျ .. တွန်းတက်ရင် ပိုမောတယ်ထင်လို့ .. ကျောင်းဝင်းထဲမှာ စက်ဘီးထားစရာနေရာမရှိ တော့ ကျောင်းနားပတ်ဝန်းကျင်မှာရှိတဲ့ ၀န်ထမ်းအိမ်တစ်အိမ်မှာ စက်ဘီးအပ်ထားခဲ့ရတယ်.. ပိုက်ဆံပေးစရာမလိုပါဘူး.. အဲဒီကမှ ကျောင်းကို ခြေလျင်ဒိုး စာသင်ဆောင်တွေအားလုံးက တောင်ကုန်းပေါ်မှာ .. ကိုယ့်စာသင်ခန်းအရောက် လမ်းလျှောက်တက်ပေရော့ပဲ ...

ကျောင်းကုန်းပေါ်မှာ ကျောက်စရစ်ခဲအလွန်ပေါတာ မှတ်မိတယ် .. တောင်ကုန်းရဲ့ ဘေးနှစ်ဘက်က လျှိုတွေရှိတယ် .. အရှေ့ဘက် (ထင်တာပဲ) အဲဒီဘက်က တောစပ်.. သစ်ပင်ခပ်အုပ်အုပ် .. ခပ်ဝေးဝေးဆက်သွားရင် ရေတံခွန်အသေးစားလေးတွေ ရှိတယ် .. ဟိုးအတွင်းဘက်ထိဆက်သွားရင် ရွှေကျင်တဲ့နေရာတွေရှိတယ်လို့ ပြောကြတယ် .. တောစပ်နဲ့နီးလို့ တစ်ခါက တောကင်းခြေများကြီးတစ်ကောင် (တော်တော်ကြီးတဲ့အကောင်) စာသင်ခန်းထဲ ရောက်လာဖူးတယ် .. အတန်းထဲကကောင်လေးတွေ ခဲနဲ့ ၀ိုင်းထုကြလေရဲ့..

ကျွန်တော့်ရဲ့ မိန်းကလေးသူငယ်ချင်းတစ်ချို့ပြောပြဖူးတဲ့ မှုံရွှေရည်ဆိုတဲ့ ကောင်မလေးရဲ့ ဇာတ်လမ်းကိုလည်း နားထောင်ခဲ့ဖူးတယ် .. တောထဲက ဂူတစ်ခုမှာ ရည်းစားက သတ်လို့သေသွားတယ် ဆိုလား .. ဘယ်လိုပဲပြောပြော အဲဒီကျောင်းလေးက ကျွန်တော့်ရဲ့ ဆယ်ကျော်သက် အစပိုင်းအချိန်တွေထဲမှာ ပျော်စရာအကောင်းဆုံးနေရာလေးတစ်ခုပါ.. ဟန်ဆောင်ခြင်းမရှိ အားနာတယ်ဆိုတဲ့စကားကို မသိ .. ပီဘိ ကလေးတစ်ယောက်ရဲ့ ပွင့်လင်းလွတ်လပ်တဲ့ပျော်ရွှင်ခြင်းတွေ နောက်ဆုံးရခဲ့တဲ့ နေရာလို့လည်း ပြောလို့ရပါတယ်..

ကျောင်းကို ရောက်စမှာ အတူတူထိုင်တဲ့ သူငယ်ချင်းက ကျွန်တော့်နားမှာရှိတဲ့ သူ့ခြင်းတောင်းကို လှမ်းတောင်းပါတယ်.. သူ့စကားကို တော်တော်နဲ့ နားမလည်ဘူး.. ရှင်းတောင်းပေး ၊ ရှင်းတောင်းပေးနဲ့.. နောက်ကျတော့ တောင်းတဲ့သူက စိတ်မရှည်လို့ သူ့ခြင်းသူ ထယူတော့မှ ခြင်းတောင်းကို ပြောမှန်းသိတော့တာ .. အဲဒီနယ်ဘက်ကလူတွေက ချနဲ့ ရှအသံကို ပြောင်းပြန်ပြောကြတာ.. ဥပမာ.. ချိုတယ် ဆိုရင် ရှိုတယ်၊ ရှောက်သီးဆိုရင် ခြောက်သီး ၊ ချစ်တယ်ဆိုရင် ရှစ်တယ်.. ဒါမျိုးတွေပေါ့ သူတို့ပြောတာ ကြားရခါစက နားမျက်စိလည်တယ်.. ရယ်လည်းရယ်ချင်တယ် .. အစအနောက်သန်တဲ့ ကျွန်တော်ကတော့ သူတို့ပြောသလိုလိုက်ပြောပြီး သူတို့ကို စတာပဲ..

အဲဒီကျောင်းလေးက တက္ကသိုလ်သုံးခုက၀န်ထမ်းသားသမီးအများစု နေတဲ့ကျောင်းမို့ တောထဲရောက်နေပေမယ့် ပညာရေးမညံ့ပါဘူး.. ပညာရေးမှာ အပြိုင်အဆိုင်များတယ်.. ကျွန်တော်ရောက်ခါစနှစ်မှာ မြို့ကျောင်းရဲ့ ကျောင်းခွဲ အမှတ် ၄ အထက အနေနဲ့နာမည်တပ်ပေမယ့် နောက်နှစ်ကျ ကျောင်းအမှတ်မတပ်တော့ပါဘူး.. အ.ထ.က လို့ပဲ သုံးတော့တယ်.. ဆရာဆရာမ အများစုကလည်း တက္ကသိုလ်က၀န်ထမ်းတွေရဲ့ အိမ်ထောင်ဘက်တွေများပါတယ် ဒီနေရာမှာ အခြေကျနေသူတွေပေါ့ ..

မှတ်မှတ်ရရ ကျွန်တော်ကျောင်းကို ရောက်တဲ့နှစ်မှာပဲ ကျောင်းအုပ်တစ်ယောက် ပြောင်းတယ် ထင်ပါရဲ့.. အဲဒီကျောင်းကိုရောက်တော့ ငါးတန်း၊ စာသင်ခန်းက ကျောင်းအုပ်ကြီးရုံးခန်းနဲ့နီးတယ်.. ဆောက်လက်စ ကျောင်းဆောင်ထဲ ၀င်ကစားကြတာ မှတ်မိတယ်.. ငါးတန်းမှာကို စာသင်ဆောင်နှစ်ဆောင် ပြောင်းရပါတယ်..

ဒုတိယတစ်ခါ ပြောင်းရတဲ့ စာသင်ဆောင်က တောစပ်နဲ့နီးတဲ့စာသင်ဆောင် ကျွန်တော်တို့အခေါ် တဲဆောင်ပေါ့.. အဲဒီအဆောင်မှာ နေရတာ အပျော်ဆုံးပဲ.. ဘာလို့လဲဆိုတော့ ကျောင်းအုပ် ရုံးခန်းနဲ့က အလှမ်းဝေး ၊ ဆရာ မလာလို့ကတော့အတန်းထဲမှာ ဗြောင်းဆန်အောင် ကစားရလို့.. နောက်ပြီး နေ့ခင်းထမင်းစားပြီးချိန် သူငယ်ချင်းတစ်အုပ်ကြီး နဲ့တောထဲ လျှောက်သွားလို့ရတယ်.. တစ်ခါကဆို ရေတံခွန်တွေရှိတဲ့ဘက်ကို ရောက်သွား သေးတယ်.. အတန်းထဲမှာ ကျွန်တော်က အလွန်စွာသောမိန်းကလေးတစ်ယောက်.. သူများကျောင်းကို လည်းလာတက်သေး ၊ နည်းနည်းမှအထိမခံကို စွာခဲ့တာ ပြန်တွေးကြည့်ရင် ရယ်စရာကောင်းပါတယ်..

ကျွန်တော်နဲ့အတွဲများတဲ့သူငယ်ချင်းတွေက အေးတော့ မခံချင်အောင်စ,တတ်တဲ့ အတန်းဖော်ကောင်လေးတွေကို ကျွန်တော်က ဒိုင်ခံရန်တွေ့ရတာပဲ .. ဘယ်ကနေ ဘယ်လိုစမှန်းမသိတဲ့ ရန်စနဲ့ အဲဒီကျောင်းမှာ နေခဲ့တဲ့နှစ်နှစ်လုံးလုံး အတန်းဖော်ကောင်လေးတွေနဲ့ ကျွန်တော်က မဆုံလိုက်နဲ့.. ဆုံတာနဲ့ စကားများရန်ဖြစ်ခဲ့ရတာချည်းပါပဲ.. ကျွန်တော့်ကို သူတို့က လူဆိုးဗိုလ် .. ကျွန်တော်က သူတို့ကို မေတ္တာတုံး ၊ ကျက်သရေတုံး .. ၊ အိမ်မှာ ရေခဲထုပ်ထုပ် ရောင်းတဲ့ သူငယ်ချင်းကောင်လေးကို ဆေးသကြားများများ အချိုရည်ကနည်းနည်းထည့်တာ၊ အပါးခိုတာ ဘာညာ.. နာရင်ပြီးရော ပေါက်တတ်ကရ အကုန်လျှောက်ပြောခဲ့တာတွေ.. အကုန်တောင်မမှတ်မိတော့ဘူး... အဲလို ရန်ဖြစ်ခဲ့ကြလို့ ရန်ဖြစ်ဘက် ကောင်လေးတော်တော်များများကို ခုချိန်ထိ ကျွန်တော်မှတ်မိနေတယ် .. သာမန် ခင်ခင်မင်မင်နေခဲ့တဲ့ သူငယ်ချင်းအများစုကို မမှတ်မိတော့ပါ .. (အင်း..အဲဒီသူငယ်ချင်းတွေကြားလို့ကတော့ ရေရေ လည်လည် အကောခံရမှာ သေချာတယ်) မှတ်ဥာဏ်ဆိုတာကလည်း ဘယ်လိုဟာကြီးလည်း မသိ .. မှတ်မိသင့်တဲ့လူတွေကို မမှတ်မိ .. မေ့သင့်တဲ့ အကြောင်းအရာတွေတော့ အမှတ်ရနေတတ်တာ .. အံ့သြစရာလည်းကောင်း .. မချင့်မရဲဖြစ်စရာလည်း ကောင်းပါရဲ့...

အဲဒီကျောင်းမှာပဲ ဆယ်နှစ်ပြည့်မှတ်ပုံတင်လုပ်ရတယ် .. သွေးစစ်ဖို့ အပ်နဲ့ လက်ထိပ်လေးဖောက်ရတာ .. ခုခေတ်လို ဆိုရင်တော့ AIDS ကို ကြောက်တာနဲ့ ဖောက်ရဲမှာ မဟုတ်ဘူး.. မှတ်ပုံတင်လုပ်ဖို့ လျှောက်လွှာထဲမှာ ကိုယ်မမှတ်မိ.. မသိတဲ့ အဘိုးအဘွားတွေအကြောင်း လည်း ကိုယ်ထင်ရာမြင်ရာတွေလျှောက်ထည့် ၊ ပြီးတော့ ဆရာမတွေကောင်းမှုနဲ့ ပိုက်ဆံများ များစားစားမကုန်ဘဲ မှတ်ပုံတင်တစ်ခု ရလိုက်တယ်...

ကျွန်တော်တို့အတန်းထဲမှာ အရပ်ရှည်ဆုံးစာရင်းဝင် ကောင်လေး နှစ်ယောက်ရှိတယ်.. တစ်ယောက်က ကျွန်တော်တို့ အတန်းရဲ့ မော်နီတာ ကောင်လေး (အိမ်ထောင်ကျသွားပြီလို့ပြောတယ် .. ဤကားစကားချပ်း) ) မိန်းကလေး နဲ့ စကားပြောရင် မျက်နှာကဘယ်ထားရမှန်း မသိ.. စာတော့ တော်ပါရဲ့ အူကြောင်ကြောင် အတော်နိုင်သူပါ.. စာတော်လို့ ဆရာမတွေရဲ့ အချစ်ခံရသလို အူကြောင်ကြောင် မထုံတက်တေးနဲ့မို့ အမြင်ကတ်လည်း ခံရတယ်..
အဲလို ကမောက်ကမနိုင်တဲ့သူမို့ မှတ်မိနေတာ တင်ပါရဲ့ ..

နောက်တစ်ယောက်က ကျွန်တော်နဲ့ မတည့်ဆုံးကောင်လေး စာရင်းမှာ ထိပ်ဆုံးကပါသူ.. ဘာကိစ္စလေးပဲဖြစ်ဖြစ် ကျွန်တော်နဲ့ အမြဲတမ်းလိုလို ထိပ်တိုက်တွေ့သူ ...အင်မတန် ရန်တွေ့ကောင်းသူဖြစ်လို့ မှတ်မိနေတာပါ.. မိန်းကလေးသူငယ်ချင်းတဲမှာလည်း ကျွန်တော်နဲ့ မတည့်တဲ့သူ နှစ်ယောက်ကို ပိုမှတ်မိနေပါတယ် .. ကိုယ်လို စွာသူချင်းမို့ လို့လားပဲ..

အဲဒီမှာ နှစ်နှစ်နေရတဲ့ကာလက တော်တော်ပျော်စရာ ကောင်းပါတယ် .. အခုထိ အမှတ်ရနေတာက အန်တီမုံရဲ့ အင်္ဂလိပ်စာ ကျူရှင်၊ မမာလာသင်တဲ့ သင်္ချာကျူရှင်၊ ဆရာ ဦးအောင်ကျော်မြင့်သင်တဲ့ ကျူရှင်မဟုတ်တဲ့ ကျူရှင် ၊ကျောင်းနဲ့ မပတ်သက်ပေမယ့် ကျောင်းကအပြန် ကျူရှင်ကအပြန် ၀င်နေကျ “တမာရိပ်” ရခိုင်မုန့်တီဆိုင်လေး ၊ စာအုပ်ငှါးနေကျ “ဟေမာန်” စာပေ ။ ဆေးဝယ်နေကျ “သန့်” ဆေးဆိုင်၊ စာအုပ် ဘောပင် ၀ယ်နေကျ “မွန်မင်းသား” စတိုးဆိုင်၊ သူငယ်ချင်းတစ်ယောက်အိမ်နားက ဆယ်သိန်းတန်ကုန်း ၊ ဆည်ဘောင်ပေါ်က လှမ်းကြည့်ရင် ဟိုး..အရှေ့ဘက်က တောင်တန်းပြာနဲ့ ပဏာရတဲ့ ဆည်ရေပြင်ပြာပြာ........ခုတော့လည်း အချိန်နာရီတွေ တိုက်စားလို့ အရင်လို အနေအထားရှိတော့မှာ ဟုတ်ပါဘူး ... လွမ်းစရာလေးတွေပေါ့လေ..

ကျွန်တော် တတိယတန်းတက်တော့ မြို့ငယ်လေးတစ်မြို့ ကို ထပ်ပြောင်းရပါတယ်.. အဲဒီ မြို့နဲ့ အနီအနားပတ်ဝန်းကျင်မြို့တွေမှာ တူတာတစ်ခုရှိပါတယ်.. အဝေးပြေးလမ်းမကြီးကနေ မြို့ထဲကို ၂ မိုင် လောက် ၀င်ရသေးတဲ့အချက်ပါ.. ဒါကြောင့် မြို့တိုင်းနီးပါးမှာ တာဆုံဆိုတာရှိပါတယ်.. အဝေးပြေးလမ်းမနဲ့ မြို့ထဲဝင်တဲ့လမ်း ဆုံတဲ့နေရာကို တာဆုံလို့ခေါ်တာဆိုပါတော့..

ဘယ်ကိုပဲပြောင်းရပြောင်းရ ကျွန်တော်တို့ ရောက်တဲ့အချိန်က ကျောင်းဖွင့်စ ဇွန် နှင့် ဇူလိုင်လတွေပဲ ဖြစ်နေတတ်ပါတယ်.. အဲဒီ မြို့လေးကကျောင်းကို ရောက်တော့လည်း ကျောင်းစတက်တဲ့ တစ်ပတ်အတွင်းမှာပဲ ကျောင်းအုပ်ဆရာမကြီးပြောင်းလို့နှုတ်ဆက်တဲ့ပွဲနဲ့ သွားတိုးပါတယ်.. အဲ .. ဘာပြောကောင်းမလဲ နှုတ်ဆက်ပွဲမှာ ဆရာမကြီး ရဲ့ နှုတ်ဆက်စကားတွေကြားမှာမျော..ကိုယ်က သူ့ကို ဆရာ မတော်လိုက်ရပေမယ့် စိတ်မကောင်းဖြစ်လို့ ငိုမိပါရော .. အတန်းထဲရောက်တဲ့အထိ တရှုံ့ရှုံ့ငိုနေတဲ့ ကျွန်တော့်ကို ကျောင်းသူဟောင်းတွေက လိုက်ပြောင်ကြပါတယ်.. ကိုယ်က ကျောင်းသူသစ်လည်း ဖြစ်နေပြန်၊ စိတ်မကောင်းဖြစ်လို့ ငိုမိနေရတဲ့အထဲ သူတို့က လိုက်ပြောင်နေတော့ တော်တော်စိတ်ဆိုးတာပါ .. မြင်ပြင်းလည်းကတ်တယ်.. ဒါပေမယ့် နောက်ကျတော့ အဲလိုလိုက်နောက်တဲ့ ကောင်မလေးကပဲ ကျွန်တော့်ရဲ့ အချစ်ဆုံး၊ အတွဲဆုံးသူငယ်ချင်း ဖြစ်လာပါတယ်..

အဲဒီကျောင်းမှာ ပထမဆုံး ခင်တဲ့သူငယ်ချင်းက ကျွန်တော်တို့ အိမ်နားက .. သူက သူ့မိဘနဲ့ အတူမနေရဘဲ အလွန်တရာ ကပ်စေးနှဲသော အဘိုးအဘွား ၊ အဒေါ်အပျိုကြီးများနဲ့ နေရတာပါ.. အဲလိုနေရတယ်ဆိုတာ ကျွန်တော်ကသိနေတော့ သူ့ကို သနားစိတ်နဲ့ ခင်ပါတယ်.. သူ့မှာ မပြည့်စုံတဲ့ ကျောင်းသုံးပစ္စည်းတွေကိုဆို ကိုယ်နဲ့ တစ်ခုံတည်းထိုင်သူဖြစ်လို့ ခဲတံ၊ပေတံ ...စတဲ့ မျှသုံးလို့ရတဲ့ ပစ္စည်းမှန်သမျှ အတူသုံးပါတယ်.. တစ်ရက်မှာ ကျွန်တော်က ကျွန်တော့်ပေတံနဲ့ မျဉ်းသားနေတုန်း သူက ပေတံပေးဖို့ တောင်းပါတယ်.. ကျွန်တော်က ခုလက်ရှိသားနေတဲ့ မျဉ်းသားပြီးရင် ပေးမယ်..ခဏလေးနေဦး လို့ ပြောလိုက်တာ.. သူက စိတ်ဆိုးပြီး ကျွန်တော့်ကို ခုံပေါ်က တွန်းချပါတယ်.. ခုံအောက်ကိုကျလုနီးနီး ပခုံးကိုင်ပြီး အတွန်းခံရတာကြောင့် ကျွန်တော့်မှာ လန့်လည်း လန့်.. ငိုလည်းငို ၊ သူက ကိုယ့်ထက်လူကောင်ထွားတော့ ပြန်မလုပ်ရဲပေမယ့် ဆရာမကို ငိုရင်းသွားတိုင်လိုက်တာပါပဲ .. ဆရာမကတော့ သူ့ကို မရိုက်ပေမယ့် ခေါ်တော့ ပြောပုံရပါတယ် .. ကျွန်တော့်စိတ်ထဲ သူ့ကို စိတ်လည်းဆိုး .. စိတ်လည်းနာပါတယ်.. ခံလည်းခံပြင်းပါတယ် ငါ့မှာတော့ .. သူ့ကို သနားလိုက်ရတာ.. သူကဖြင့် ငါ့ကို ဒီလို ဆက်ဆံတယ်ဆိုပြီးပေါ့လေ ..

အဲဒီအဖြစ်ကို ခုနေပြန်စဉ်းစားတော့ မိစုံဖစုံ မနေရတဲ့ကလေးတွေဟာ သူများနဲ့ ဆက်ဆံရင် ရန်လိုတတ်တဲ့သဘောကို ကိုယ်က ငယ်ငယ်နဲ့ ကြုံခဲ့ရတာပဲလို့ တွေးမိပါတယ်.. ဒါပေမယ့် အဲဒီ အဖြစ်လေးရဲ့ နောက်ဆက်တွဲရလဒ်က ကျွန်တော်ဟာ အဲဒီအချိန်လောက်က စပြီး ဆတ်ဆတ်အထိမခံ.. အတော်စွာခဲ့တာပါ.. ကျွန်တော့် မသိစိတ်ထဲမှာ ငါ..ဒီလိုမနေရင် ငါ့ကို သူများတွေက အနိုင်ကျင့်တာ ခံရလိမ့်မယ်ဆိုတဲ့ အတွေးက ၀င်သွားခဲ့ပုံပါပဲ .. သူငယ်ချင်းနဲ့ ပတ်သက်ရင် ကိုယ့်အမှားမဟုတ်ဘဲ ကိုယ့်ကို ရမယ်ရှာပြီး မခေါ်လို့ကတော့ ကိုယ်ကလည်း တာ့တာပဲ .. နှစ်ခါမခေါ်တာ ဆိုတဲ့ သဘောလေးတွေ ၀င်လာခဲ့ပါတယ်.. ကလေးဘ၀ရဲ့ စိတ်ပြောင်းလဲသွားပုံလေးကို သတိထားမိသမျှပေါ့..

အဲဒီကျောင်းမှာ နှစ်နှစ်နေခဲ့ရတဲ့ ကာလအတွင်း ကျောင်းကျန်းမာရေး စစ်တဲ့အဖွဲ့ ခဏခဏလာစစ်တာကို မှတ်မိပါတယ်.. အဲဒီကျောင်းရဲ့အရင် နေခဲ့ဖူးတဲ့ကျောင်း ၊ နောက်ထပ်နေရတဲ့ကျောင်းတွေ ဘယ်ကျောင်းမှာမှ ကျောင်းကျန်းမာရေး စစ်ပေးတာမျိုး မကြုံခဲ့၊ မကြုံရတော့ပါဘူး .. နောက်ပြီး ကျောင်းကထိန်လား ၀ါဆိုသင်္ကန်းကပ်လား မသိ.. အဲဒီအချိန်ဆိုရင် ကျောင်းသူကျောင်းသားတွေရော ဆရာဆရာမတွေအားလုံး အိုးစည် ဗုံမောင်းတွေ၊ အကအခုန်တွေနဲ့ သင်္ကန်းတွေကိုင် ၊ လှူဖွယ်ပစ္စည်းတွေကိုင်ပြီး မြို့ကိုလှည်.. ပြီးတော့ လှူမယ့် ဘုန်းကြီးကျောင်းကို သွားကြပါတယ်..

အဲဒီမြို့မှာ ဘုန်းကြီးကျောင်းက တော်တော်ပေါတယ်.. ပြီးတော့ ဘုရားရှင်ရဲ့ စွယ်တော်ပွါးလည်း အဲဒီမြို့မှာ ရှိပါတယ်.. ဘုန်းကြီးကျောင်းဆိုလို့ ယဉ်ကျေးမှုသင်တန်းတွေကို ဘုန်းကြီးကျောင်းတွေမှာ တက်ခဲ့ရတာ မှတ်မိပါသေးတယ်.. နွေကျောင်းပိတ် နှစ်နှစ်နဲ့ကြုံတာ နှစ်နှစ်လုံး သင်တန်းတွေတက်ခဲ့ပါတယ်.. ကျောင်းက ဖွင့်တဲ့ သင်တန်းကိုလည်းတက်၊ ဘုန်းကြီးကျောင်းကဖွင့်တဲ့ အတန်းကိုလည်း သွားတက်တာပါပဲ .. ပျော်စရာကောင်းပါတယ် ..

ကျွန်တော်နဲ့ ယဉ်ကျေးမှုသင်တန်းတက်ဖော် သူငယ်ချင်းမလေးက ကျွန်တော်တက်တဲ့ကျောင်းက မဟုတ်ပါဘူး.. မြို့လေးမှာရှိတဲ့ မူလတန်းကျောင်းကပါ.. အိမ်နီးနားချင်းလည်းဖြစ် သင်တန်းတက်တဲ့ ဘုန်းကြီးကျောင်းလည်းတူတော့ ခင်သွားတာပါ .. တစ်ရက်မှာ ကျွန်တော်တို့ကို သင်တန်းဖွင့်တဲ့ ဘုန်းကြီးကျောင်းက ကျောင်းထိုင်ဘုန်းကြီးကိုယ်တိုင်စာသင်တယ်.. ပြီးတော့ ကျွန်တော်တို့ကို သူ့ဆီစာပြန်ခိုင်းပါတယ်... စာသင်ရင်းနဲ့ သူက ကျွန်တော့်ရဲ့ ဖတ်စာအုပ်ကို သိမ်းသွားပါတယ်.. အဲဒီစာအုပ်က ဆရာတွေမှ ကိုင်ရတာဆိုပြီး သိမ်းသွားတာပါ.. ကျွန်တော်ကတော့ ဆရာကိုင်တဲ့စာအုပ်ပဲဖြစ်ဖြစ်.. ဘာပဲဖြစ်ဖြစ် ကိုယ်က လိုချင်လို့ အိမ်ကို ပူဆာပြီးဝယ်ခိုင်းထားတာ ကိုယ့်စာအုပ်က ကိုယ့်စာအုပ်ပဲ၊ ငါ့စာအုပ်ပြန်မပေးရင်တော့ စာသွားမပြန်ဘူးလို့ စိတ်ထဲက တေးထားလိုက်ပါတယ် .. (ဘုန်းကြီးကိုတော့ ကြောက်လို့ ပြန်မပြောရဲဘူးလေ ..ဟီး) ပါးစပ်ကလည်း သူငယ်ချင်းကို ပြောလိုက်ပါသေးတယ် .. စာအုပ်ပြန်မပေးရင်တော့ စာသွားမပြန်ဘူးလို့လေ .. စာက အရင်တစ်နှစ်ကတည်းက သင်ပြီးတဲ့စာမို့ ထူးပြီးကျက်စရာမလိုဘဲ ရနေတာ.. ဒါကိုပဲ သူများတွေ အကုန်နီးပါး စာပြန်ပြီးတဲ့အချိန်ထိ ကျွန်တော်က ဆန္ဒပြပြီး စာသွားမပြန်ပါဘူး (ယဉ်ကျေးမှုသင်တန်းတက်တာမို့လို့ တော်သေးတာ .. ) ကျွန်တော်စာလာမပြန်တဲ့ အကြောင်းကို သူငယ်ချင်းက ဘုန်းကြီးကို သွားပြောလိုက်ပုံရပါတယ်.. မကြာခင်မှာပဲ ဘုန်းကြီးက အဲလိုမလုပ်ရဘူး.. စာအုပ်လာယူလှည့် ဆိုတော့မှ နေရာက ထတော့တာပါ ..

ကျောင်းသူသစ်ကျွန်တော်ရောက်လာလို့ အတန်းမှာ ဆုရစာရင်းကပြုတ်သွားတဲ့သူက နှုတ်ဆက်ပွဲမှာ ကျွန်တော်ငိုလို့ လိုက်စတဲ့သူငယ်ချင်းပါ.. သူ့ကို အဆင့်မ၀င်လို့ဆိုပြီး သူ့အမေကျောင်းဆရာမက ထမင်းတစ်နပ် အငတ်ထားတဲ့ သတင်းကိုလည်း အံ့သြတစ်ကြီး ကြားခဲ့ဖူးပါတယ် .. ကျွန်တော့်မိဘတွေက အဲလိုမျိုးမှ မဟုတ်ကြတော့.. အဲလိုလုပ်တယ်ဆိုတဲ့ မိဘကို တော်တော် အံ့သြတာပါ ..

နောက်... ကျောင်းမှာရှိတဲ့ ပန်းချီခန်းမှာ ပန်းချီသွားဆွဲရတာ မှတ်မိပါတယ် ပန်းချီပြိုင်ပွဲလည်း ၀င်ခဲ့ဖူးတယ် ဆုတော့ မရပါဘူး .. သူတို့ ပေးတဲ့ ညှစ်ဆေးဗူးတွေအကုန်နိးပါး ညှစ်ပြီး ဟိုအရောင်စပ် ဒီအရောင်စပ် လျှောက်လုပ်ခဲ့လို့နဲ့တူတယ် (အဟိ .. ကိုယ်ညံ့တာတော့ ထည့် မပြောဘူး)..

ငါးတန်းနှစ်စ တစ်လလောက် အဲဒီကျောင်းမှာ တက်ခဲ့ရပါသေးတယ်.. အမှတ်ရမိတာတစ်ခုက ကျွန်တော်တို့ကို သင်တဲ့ဆရာထဲမှာ မိန်းမဘ၀ကနေ ယောက်ျားဘ၀ ပြောင်းသွားတယ် ဆိုတဲ့ဆရာပါတယ် .. အဲဒီဆရာက အရပ်ပုပုလေးရယ်.. အရပ်က ကျွန်တော်တို့ ကျောင်းသူတွေနဲ့ မတိမ်းမယိမ်း.. တစ်ရက်မှာ ကျွန်တော့်သူငယ်ချင်းက စာသင်ခန်းထဲကအထွက် - ဆရာက အခန်းထဲကိုအ၀င်.. ဗြုန်းခနဲ ဆုံပြီး နှစ်ယောက်လုံးလန့်အော်ကြတာ... အရပ်က တူနေတာကိုး .. အဲဒီဆရာက သင်္ချာ(၂) သင်ပါတယ်.. အရပ်က သင်ပုန်းကို မမီတော့ ပုံတွေဆို ကျောက်သင်ပုန်းအောက်နားမှာပဲ ကပ်ဆွဲတတ်လို့ နောက်က ကျောင်းသားတွေက မမြင်ရဘူး .. ကျွန်တော် အဲဒီကျောင်းမှာ တက်ခဲ့တာ မိန်းကလေးသူငယ်ချင်း တော်တော်များများနဲ့ ယောက်ျားလေးသူငယ်ချင်း တစ်ယောက်ကိုပဲ မှတ်မိပါတော့တယ်..

ကျောင်းတစ်နှစ်ပိတ်ပြီး ကျောင်းပြန်တက်ရတော့ ဒုတိယတန်းပါ.. တက်နေလက်စ ကျောင်းလေးမှာ မဟုတ်တော့ပါဘူး.. နောက်ထပ် ၀န်ထမ်းအိမ်ရာစခန်းတစ်ခုကို ထပ်ရွှေ့ရပါတယ်.. အဲဒီမှာက ကျောင်းသားဆိုလို့ ကျွန်တော်တို့အိမ်က နှစ်ယောက်နဲ့ အခန်းချင်းကပ်နေတဲ့ ကျောင်းသားနှစ်ယောက်.. စုစုပေါင်း လေးယောက်ပဲရှိပါတယ်.. ကျောင်းက အိမ်ရာစခန်းနဲ့ တစ်မိုင်သာသာလောက် ဝေးတဲ့နေရာမှာ ..မနက်ခင်းက သွားရင် ညနေကျောင်းဆင်းမှ အိမ်ကို ပြန်ရပါတယ်..

မနက်ခင်းကျောင်းအသွားမှာ အလုပ်ထဲက ကားကြုံနဲ့ ဖြစ်ဖြစ် မြင်းလှည်းနဲ့ ဖြစ်ဖြစ် လေးယောက်သားစုသွားကြလို့ အဆင်ပြေတယ်.. ဒါပေမယ့် ကျောင်းပြန်ချိန်ဆိုရင် ဘာနဲ့ ပြန်ရမလဲဆိုတာ မသေချာလှပါဘူး.. ကားကြုံရင်ကားနဲ့ ..စက်ဘီးနဲ့ လာကြိုရင် စက်ဘီးနဲ့ ပြန်ရပါတယ်.. တစ်ခါတလေလည်း ခြေလျင်လျှောက် ပြန်ရတာမျိုးရှိပါတယ်..

ကျောင်းလေးက ကရင်ရွာနားမှာတည်ထားတဲ့ အထက်တန်းကျောင်းလေးပါ.. ကျောင်းသားကျောင်းသူ အများစုက ကရင်စစ်စစ်တွေနဲ့ ကရင်ဗမာတွေများပါတယ်.. ဒါပေမယ့် ကျောင်းသားဦးရေကတော့ သိပ်မရှိဘူး.. ကျွန်တော်နေရတဲ့ ဒုတိယတန်းမှာ စုစုပေါင်းကျောင်းသားဦးရေ ဆယ်ယောက်တည်းရှိပါတယ်.. ကျန်တဲ့အတန်းတွေလည်း သိပ်မများပါဘူး.. သူငယ်တန်းကနေ တတိယတန်းလောက်ထိက တစ်တန်းနဲ့တစ်တန်း အကာအရံမရှိ ဟင်းလင်းပြင်ဖြစ်နေတဲ့ ကျောင်းဆောင်လေးမှာ စုပြီးစာသင်ရတယ်.. ကျောင်းကိုရောက်ခါစကဆို နည်းနည်းစိတ်ညစ်ပါတယ်.. ကိုယ့်ကို သူတို့က စကားလာပြောတော့ ဗမာလို.. သူတို့အချင်းချင်းပြန်ပြောကြတော့ ကရင်လို .. သူတို့ချင်းဘာပြောမှန်းမသိတဲ့ကိုယ်က မျက်လုံးကလေး ကလယ်ကလယ်နဲ့..

သူငယ်တန်းအတန်းပိုင်ဖြစ်တဲ့ ဆရာမရဲ့သမီးက ကျွန်တော်နဲ့ သူငယ်ချင်းဖြစ်လာပါတယ်.. ကရင်မလေး.. ခပ်စွာစွာကောင်မလေးပေမယ့် ဖြူဖြူဖွေးဖွေးချစ်စရာလေးပါ.. စာလည်းတော်တယ်.. ကျွန်တော်မရောက်ခင်က သူက အမြဲပထမရတယ်.. ကျွန်တော်ရောက်လာတော့ သူနဲ့ စာပြိုင်ဘက်ဖြစ်လာသလို သူငယ်ချင်းလည်း ဖြစ်လာပါတယ်.. စုစုပေါင်းကျောင်းသားဆယ်ယောက်မှာ ယောက်ျားလေးတစ်ယောက်မှ မပါဘူးလို့ မှတ်မိနေပါတယ်.. နောက်ထပ်သူငယ်ချင်းတစ်ယောက် ရှိပါသေးတယ်.. ကရင်ဆိုပေမယ့် ကရင်မအစစ်ဟုတ်ပုံမရတဲ့ အသားခပ်ညိုညိုဗမာရုပ်ပေါက်တဲ့ ကောင်မလေးပါ.. ယောက်ျားလေးပုံစံနေတတ်တယ်.. ကျွန်တော့်ကိုလည်း ခင်တယ်.. ကျွန်တော့်ထက်လည်း အသက်နည်းနည်းကြီးတယ်လို့ မှတ်မိနေပါတယ် ..

ညနေဘက်ကျောင်းမဆင်းခင် ပီတီချိန်မှာ အုပ်စုနှစ်စုခွဲပြီး အဖြူအမဲကစားနည်း ကစားကြရတာ မှတ်မိပါတယ်.. ကစားချိန်မှာ ကျောင်းသားတိုင်းမဖြစ်မနေ ကစားကြရတာပါ .. ကရင်အများစုနေတဲ့ရွာပေမယ့် ကျောင်းအုပ်ဆရာကြီးက ဗမာပါ.. အမြဲလိုလို ခပ်ပြုံးပြုံးနဲ့နေတတ်ပြီး ခင်စရာကောင်းပါတယ်..

အဲဒီကျောင်းလေးက တောကျောင်းဆိုပေမယ့် ကရင်တွေနေတဲ့ကျောင်းမို့လားမသိဘူး အင်္ဂလိပ်စာသင် ကောင်းပါတယ်.. အင်္ဂလိပ်အသံထွက်လည်း တော်တော်ကောင်းတာ မှတ်မိတယ် ကဗျာသင်ပေးရင် အင်္ဂလိပ်ကဗျာလေးတွေ သင်ပေးတာများပါတယ်.. ရွာစပ်နား ချောင်းနံဘေးမှာရှိတဲ့ကျောင်းမို့လို့ ချောင်းက လူစားတတ်တဲ့ပုံပြင်တွေလည်း အဲဒီမှာ စပြီး ကြားဖူးတာပါ..

ကျောင်းက ရွာအစပ်နားသင်္ချိုင်းနဲ့လည်း နီးတော့ မီးသင်္ဂြိုဟ်တဲ့အခါ ညှော်နံ့တွေရပါတယ်.. အဲဒီအခါ သူငယ်ချင်းတွေခူးပေးပြီး ရှူခိုင်းတာ ယူကလစ်ရွက်တွေပေါ့.. အနံ့ခပ်သင်းသင်းနဲ့ ယူကလစ်ရွက်ဆိုတာလည်း အဲဒီကျောင်းမှာ စပြီး မြင်ဖူးပါတယ်.. ယူကလစ်ပင်တွေက ရှည်ရှည်မြင့်မြင့်နဲ့ အရွက်တွေကိုင်းကျနေတတ်တာ လေတိုက်ရင်တရှဲရှဲနဲ့ မြည်တတ်တာမှတ်မိပါတယ်.. ကျောင်းအိမ်သာနားမှာ ယူကလစ်ပင်တွေက တန်းစီပြီးပေါက်နေတာပါ.. ကျောင်းအိမ်သာကလည်း ကျင်းအိမ်သာ.. တော်ရုံတန်ရုံနဲ့တော့ ကျောင်းအိမ်သာကို သွားတက်ခဲတာလည်း မှတ်မိနေတယ်..

အဲဒီကျောင်းနဲ့ ပတ်သက်လို့ နောက်ထပ်မှတ်မှတ်ရရရှိနေတာတစ်ခု .. ကျောင်းကိုပြောင်းပြီးလို့ ရက်သိပ်မကြာခင်မှာပေါ့.. တစ်မနက်ကျောင်းလာတော့ မိုးခပ်ဖွဲဖွဲမှာ ကျောင်းထဲဝင်လို့ သိပ်မကြာခင် ကျွန်တော် ချော်လဲပါရော.. ချော်လဲတာက ရိုးရိုးမဟုတ်ဘူး.. ကျွန်တော့်ရှေ့ကသွားတဲ့သူတွေကို ပါးစပ်ကနေ ချော်လဲမယ်နော် သတိထားဦးလို့ပြောရင်းက ချော်လဲသွားတာ ကျွန်တော်ဖြစ်နေတာ (ဟီး...) ကျောင်းဝတ်စုံတွေရွှံ့ပေသွားလို့ လိုက်ပို့ပေးတဲ့ ကားက အင်္ကျီသွားပြန်ယူပေးရပါတယ် .. နောက်အမှတ်ရစရာ တစ်ခုက အာစရိယပူဇော်ပွဲမှာ အစီအစဉ်မရှိ ၊ ကြိုမသိထားပဲ မှုံရွှေရည်သီချင်းကို ဆရာတစ်ယောက်တီးပေးတဲ့ တယောသံနဲ့ ကပေးခဲ့ရဖူးတယ်.. တယောသံကို သဘောကျသွားတာ အဲဒီကတည်းက ထင်ပါတယ်.. အဲဒီကျောင်းမှာ ကိုးလလောက်ပဲနေခဲ့ရပါတယ် စာမေးပွဲပြီးလို့ သိပ်မကြာခင်မှာပဲ နောက်ထပ်တစ်မြို့ကို ပြောင်းခဲ့ရပြန်ပါတယ်..

ကျွန်တော်သူငယ်တန်းတက်တော့ မှတ်မိနေတာလေးတစ်ခုရှိပါတယ်.. ကျွန်တော်တို့ကို စာသင်ပေးတဲ့ဆရာမက ၀၀တုတ်တုတ်လေးပါ .. သူ့ကို ချစ်စနိုးနဲ့ စ,နောက်ပြီး ကဗျာလေးတောင်စပ်ထားကြပါသေးတယ်..ဘယ်သူက စလို့ ဆိုကြမှန်းမသိတဲ့ ကဗျာလေးပေါ့.. “သူငယ်တန်းက ဆရာမ အက်ဖ် အေ တီ ဖက်တ် ၀ ”တဲ့ ..

ကျွန်တော့်သူငယ်ချင်းတွေကတော့ မိန်းကလေးရော ယောက်ျားလေးရော စုံလို့ .. မိန်းကလေးသူငယ်ချင်းနာမည်တွေထဲမှာ မှတ်မိတာသုံးယောက်လောက်ပဲ ရှိပါတော့တယ်.. ယောက်ျားလေးသူငယ်ချင်းတွေကိုလည်း ကိုယ်နဲ့ အိမ်နီးနားချင်း ကျောင်း၊ကျူရှင်အတူသွားရတဲ့ လူတွေလောက်ပဲ မှတ်မိတော့တယ် .. ကလေးဘ၀မှာ အပျော်ဆုံးနေရာကိုပြပါဆိုရင် အဲဒီဝန်ထမ်းအိမ်ရာ စခန်းလေးကို ပြရပါလိမ့်မယ်..

သူငယ်တန်းဆိုတော့ ဆရာမတွေက ကျွန်တော်တို့ ကလေးတွေပျော်အောင် ကဗျာရွတ်ခိုင်း ၊ အဆိုအက ၀ါသနာပါတဲ့လူကို ဆိုခိုင်းကခိုင်းကြတာကို မှတ်မိနေပါတယ်.. ဆိုရ ကရတာလည်း တော်တော်ပျော်စရာကောင်းပါတယ်.. ယောက်ျားလေးနဲ့ မိန်းကလေး အုပ်စုခွဲပြီး စာပြိုင်ခိုင်းလို့ မိန်းကလေးဘက်ကရှုံးရင် ထိပ်ဆုံးကငိုတာ ကျွန်တော်ပါပဲ.. အဲလိုမျိုး ကျွန်တော်ငိုရင် ဆရာမက မိန်းကလေးတွေနိုင်တယ်လို့ အနိုင်ပေးရပါတယ်..

သူငယ်တန်းရော ပထမတန်းပါ အဲဒီကျောင်းမှာပဲ တက်ရပါတယ်.. ရေခဲချောင်းတစ်ချောင်း ပြားနှစ်ဆယ်လား ၊တစ်မတ်လားရှိတဲ့ခေတ်မှာ နေ့တိုင်းရေခဲချောင်းဝယ်စားဖို့ မုန့် ဖိုးလေးတောင် အိမ်က မပေးနိုင်ခဲ့တာလည်း မှတ်မိပါတယ်.. နောက်ထပ် မှတ်မိနေတာတစ်ခုက ညနေပိုင်းဆို ကျူရှင်သွားတက်ရတာ.. တစ်လကို ကျူရှင်လခက ၅ ကျပ်လား တစ်ဆယ်လား မသိဘူး.. ကျူရှင်ဆရာမလေးက သိပ်ချစ်ဖို့ကောင်းပါတယ်.. အသားညိုညိုနဲ့ ပြည့်ပြည့်လေးပါ..ဆရာမနာမည်က သန်းသန်းတဲ့.. စေတနာလည်း ကောင်းသလို အသင်အပြလည်းကောင်းပါတယ်.. စာသင်ပေးတဲ့အပြင် မုန့်ပါကျွေးသေးတယ်.. တေဆေး တေဆေးဆိုပြီး ကျွေးတတ်တာက ဇီးထန်းလျက်တွေပေါ့.. အဲဒီဆရာမက ကျွန်တော့်ကိုလည်း သိပ်ချစ်တယ်.. ကျွန်တော် အခြားတစ်နေရာကိုပြောင်းသွားပြီး အတန်းနည်းနည်းကြီးတဲ့အထိ လက်ဆောင်တွေပို့ပေးနေတုန်း.. စာနဲ့ရေးပြီး ဆုံးမစကားတွေပြောပေးတုန်းပဲ..

နောက်တစ်ခု.. သူငယ်ချင်းနဲ့ ပတ်သက်လို့ မှတ်မိတာနေတာလေးတွေက... တစ်ညနေဘက်မှာ သူငယ်ချင်းအိမ်ကိုသွားပြီး အဆော့လွန်နေတာနဲ့ အိမ်ပြန်နောက်ကျလို့ ထိုင်ထအခါတစ်ရာလုပ်ရတာ ၊ ကျူရှင်အတူတက်ဖော် သိပ်ရှက်တတ်တဲ့ ညိုညိုပုပု ချင်းကောင်လေးကို လိုက်စတာ.. ကျူရှင်ပြန်ချိန်မှာ သူက လမ်းမြန်မြန်လျှောက်ရင် ကိုယ်ကမြန်မြန်လျှောက်.. သူနှေးနှေးလျှောက်ရင် ကိုယ်ကနှေးနှေးလိုက်လျှောက်.. ခေါင်းကြီးငုံ့လို့ လမ်းလျှောက်နေတဲ့သူ့ကို လိုက်စခဲ့တာပါ.. ခုနေပြန်တွေးကြည့်ရင် ငယ်ငယ်ရွယ်ရွယ်နဲ့ အတော်အစအနောက်သန်တဲ့ ကိုယ့်ကိုယ်ကိုယ် ပြန်မြင်မိပါတယ်.. ပြီးတော့ ကျွန်တော် ဒုတိယတန်းတက်မယ့်နှစ်မှာ အရေးအခင်းဖြစ်ပါတယ်.. ကိုယ့်အိမ်ရှေ့က ဖြတ်ဖြတ်သွားတဲ့ လူအုပ်ကို ကြည့်ရင်း ဒီလူတွေဘယ်သွားကြပါလိမ့် .. ငါတို့တွေရော ဘာလို့မသွားရပါလိမ့်.. လို့ တွေးခဲ့ဖူးပါတယ်.. ပြီးတော့ ဂျင်ကလိဆိုတဲ့ ဝေါဟာရကို အဲဒီကာလမှာပဲ စပြီးကြားဖူးတယ်.. ဂျင်ကလိဆိုတာ ဘယ်လိုဟာမျိုးလဲ ခုချိန်ထိ မသိပါ.. အဲဒီစခန်းလေးမှာ ကျောင်းတက်ခဲ့တဲ့ ကျောင်းသားဘ၀ထက် ကလေးပီပီ ဆော့ခဲ့ ကစားခဲ့တာကိုပဲ ပိုမှတ်မိနေပါတယ်.. ကလေးဘ၀ အပျော်ဆုံးအချိန်မို့လို့လည်း ဖြစ်ကောင်းဖြစ်မယ်ထင်ပါရဲ့..

ကျွန်တော်ငယ်ငယ်က နေခဲ့ရတဲ့ ကျောင်းတွေအကြောင်း၊ ခုထိ အမှတ်တရရှိနေတဲ့ အတန်းဖော်တွေအကြောင်း နေးတစ်မြန်မာဖိုရမ်မှာ “ငယ်ငယ်က ကျောင်းများနဲ့ သူငယ်ချင်းများ” တော့ပစ်တင် ရေးဖြစ်ခဲ့တာလေးတွေ ဘလော့မှာ ပြန်တင်တာပါ.. ဖိုရမ်က သူငယ်ချင်းတွေက ဖတ်ပြီးသားဖြစ်မှာပါ.. ဘလော့မှာ ပို့စ်မတင်ဖြစ်တာ ကြာတာနဲ့ အကြံအဖန်လုပ်တာပေါ့လေ..း)

ကျွန်တော့် မိဘက ၀န်ထမ်းဖြစ်လို့ ကျွန်တော်မွေးကတည်းက တစ်နေရာတည်းမှာ အခြေချနေရတာမဟုတ်ပဲ ဟိုပြောင်းဒီရွှေ့နဲ့ နေခဲ့ရတာပါ .. ငယ်ငယ်က မူကြိုကျောင်းဆိုတာ မနေခဲ့ရဖူးပါ .. တစ်နယ်ကနေ တစ်နယ်ပြောင်းရင်း မန္တလေးကို ရောက်လာပါတယ် ကျောင်းနေဖို့သတ်မှတ်တဲ့အသက်မပြည့်လို့ ကျွန်တော့်ရဲ့အဒေါ်တွေက အကြံအဖန်လုပ်ပြီး ကျောင်းအပ်တော့ ၄နှစ်ခွဲလောက်နဲ့ ကျောင်းစတက်ရပါတယ် မန္တလေး တီတီစီကျောင်းမှာပါ .. ဒါပေမယ့်အဲဒီကျောင်းမှာနေခဲ့တာ အချိန်ကလည်း ဘာမှမကြာတော့ သူငယ်ချင်းတွေ ဆရာတွေကို သိပ်မမှတ်မိလိုက်ပါဘူး ငယ်သေးတာလည်း ပါပါလိမ့်မယ် တစ်ခုပဲ မနက်ခင်းကျောင်းသွားချိန်နဲ့ နေ့ခင်းထမင်းစားပြီး ကျောင်းကိုပြန်လာချိန်မှာ ကျောင်းက သူငယ်ချင်းတွေက ကျွန်တော့်ကို လာကြိုတတ်တာကိုပါ .. ငယ်ငယ်က ကျန်းမာရေးချူချာတဲ့ ကျွန်တော်က တခြားလူတွေနဲ့ ပြေးတမ်းလိုက်တမ်းကစားတာမျိုးကို ဆော့လည်းမဆော့နိုင် သူများတွေပြေးဆော့နေရင် ငုတ်တုတ်ထိုင်ကြည့် နေရတဲ့ဘ၀ပါ .. အဲဒါကြောင့်ပဲ သူငယ်ချင်းတွေက သနားချစ်နဲ့ ချစ်ကြပုံရပါတယ် ဒါပေမယ့် ဘာမှမကြာတဲ့အချိန်မှာပဲ တစ်နယ်ကို ပြောင်းရပြန်ပါတယ် .. ဒါက ပထမဆုံးနေဖူးတဲ့ ကျောင်းအကြောင်းပါ

နောက်ထပ်ပြောင်းရတဲ့နေရာက ၀န်ထမ်းတွေစုနေတဲ့ ၀န်ထမ်းအိမ်ရာ စခန်းတစ်ခုဆီကိုပါ.. အဲဒီမှာက လူတွေရောက်ခါစမို့ စာသင်ကျောင်းမရှိပါဘူး.. အဲဒီနေရာနဲ့ တစ်မိုင်မရှိတစ်ရှိဝေးတဲ့ မူလတန်းကျောင်းလေးကို ဆိုက်ကားနဲ့ သွားတက်ရပါတယ် .. ကျွန်တော့်မေမေပြောစကားအရ တစ်ပတ်မှာ ကျောင်းတက်ရက် ငါးရက်ရှိတာမှာ ကျွန်တော့်ကျောင်းတက်ရက်က နှစ်ရက်နဲ့ တစ်ပိုင်းပါတဲ့.. တတိယရက်ရောက်ရင် ရှမ်းပြည်က လက်ဆောင်ရခဲ့တဲ့ ငှက်ဖျားထလာလို့ ဆိုက်ကားဆရာက စောင့်ခေါ်ပြီးပြန်လာရတာပဲတဲ့ .. အဲဒီကျောင်းအကြောင်းမှတ်မိသမျှပြောရရင် အတန်းပိုင်ဆရာမလား ကျောင်းအုပ်လားမသိဘူး စာမသင်ဘဲ မုန့်ပဲ ရောင်းတာကိုပါ အဲဒီကျောင်းလေးမှာ သူငယ်ချင်းမရလိုက်ပါဘူး တစ်လမရှိတစ်ရှိလောက်မှာပဲ ကျွန်တော်တို့ ၀န်ထမ်းအိမ်ရာက ၀န်ထမ်းတွေစုပြီး ၀င်းထဲမှာပဲ မူလတန်းကျောင်းလေး ဖွင့်လို့ အဲဒီကျောင်းကနေ ပြောင်းခဲ့ရပြန်ပါတယ် .. အဲဒါကြောင့် သူငယ်တန်းကို သုံးခါပြောင်းပြီး သုံးကျောင်းပြောင်းတက်ခဲ့ရပါတယ်..


 

Blog Template by Adam Every. Sponsored by Business Web Hosting Reviews