ချစ်သူရေ...

မန်းရဲ့ဆောင်းက မပီတပီအနေအထားကနေ ပီပြင်လာပြီ.. အေးချမ်းတဲ့အရိပ်တွေနဲ့..
ခပ်စိမ့်စိမ့်လေးဖြစ်နေပြီ.. ချစ်သူကို သတိရတယ်.. လွမ်းတယ်ဆိုတာထက်..
အေးအေးငြိမ့်ငြိမ့်လေးနဲ့ သတိရတာ.. အအေးကြောက်တဲ့ချစ်သူကို
ရွှေမန်းရဲ့ဆောင်းတွင်းမှာ ရှိမနေစေချင်တာတော့အမှန်ပဲ.. တောင်ပေါ်က
ထင်းရှူးပင်နဲ့ချယ်ရီကြားက မြေနီလမ်းမှာတော့ ချစ်သူနဲ့အတူလက်တွဲ
လျှောက်ချင်တယ်.. ဆောင်းရယ် နှင်းရယ်..ကိုယ့်ချစ်သူရယ်..
အတူတူပါပဲကွယ်လို့.. ချစ်သူပြောတာကြားချင်ပါရဲ့..

ချစ်သူရဲ့ချစ်သူ...

အလွမ်းကဗျာ (၁)

ညို့ ညို့ တိမ်ညို.. ပြိုမလိုဆင်..

မိုးသက်လေလျှင်

ငိုချင်လက်တို့ ...... စို့ စို့ မျက်ရည်

လွမ်းဖို့ ဖန်သည်..

တနယ်ဝေးလို့ ဆွေးရသည်..။

ချစ်သူအတွက်(၃)

အပြုံးတွေ ကိုယ့်အနား
အမြဲတမ်းဝေပါ..

နှလုံးသားအခြေထိဆင်း........

ရင်ရဲ့အနက်ရှိုင်းဆုံးနေရာ..
သူ့အတွက်ပေးထားတာ။


နားလည်မှုတွေ ခင်းကျင်း

ယုံကြည်မြတ်နိုးခြင်း တပုံတပင်နဲ့

ကြင်သူရေ ခရီးကိုဆက်မယ်

တွဲလက်တို့ ခိုင်ခိုင်မြဲစေကွယ်.....။

နွေနှင်း

သူရှိတယ်ဆို...
တလောကလုံး သူနဲ့ တင်ပြည့်။
သူမရှိတဲ့အခါ...
အလွမ်းတွေနဲ့ တလောကလုံးပြည့်။

နွေနှင်း

အတုအယောင်တွေနဲ့ တည်ဆောက်တဲ့ဘ၀
စိတ်ညစ်ခြင်း-စိတ်ပျော်ခြင်း ကိုယ့်စိတ်ကဖန်ဆင်းမှတော့
ပျော်စရာကိုပဲ မြင်ကြည့်မယ်...
သာမန်လူဖြစ်တဲ့ ကိုယ့်အတွက်
အိုမာခရမ် လိုအပ်သလောက်ပဲ
လိုပါတယ်.....။

ချစ်သူအတွက်(၁)

မိုးတစိမ့်စိမ့် အေးငြိမ့်ငြိမ့်မှာ
ဝင်သက်ထွက်သက် နာရီစက်မျှ
ဆက်ဆက်ရင်ခုန် ရက်တို့ စုံသော်
လသို့ ချဉ်းနင်း နှစ်သို့ ယွန်းမည်
ချစ်ခြင်းထာဝရတည်စေသောဝ်.....။

5:00 pm

အိပ်မက်တစ်ခုမက်ခဲ့တာ မေ ၂၁ ညကပေါ့.. ကျွန်တော်က တောင်ပေါ်ဒေသတစ်နေရာမှာ
ရှမ်းလိုလိုတောင်ပေါ်သားတွေနဲ့ လိုက်သွားရတယ်.. သူတို့က
ကိုယ့်ကိုဖမ်းပြီးခေါ်သွားသလိုမျိုး.. အကြမ်းပတမ်း
ကြိုးတွေဘာတွေတုပ်ပြီးခေါ်သွားတာမျိုးမဟုတ်ဘဲ ကိုယ့်ကို
သူတို့လူတွေဝန်းရံပြီး ခေါ်သွားခံရတာ.. ကိုယ့်ပုံစံကလည်း
အားမတန်လို့မာန်လျှော့ပြီး သူတို့နဲ့လိုက်သွားရတဲ့ပုံစံမျိုး..
သူတို့ရဲ့ရွာကိုရောက်တော့.. ရွာလူကြီးလိုလိုလူတစ်ယောက်က ကျွန်တော့်ကို
တစ်ခုခုပြောတယ်.. ပြီးတော့ ဂမုန်းပင်(ကွင်းထိုးဂမုန်းပင်)ကို
ကျွန်တော့်ရှေ့မြေပေါ်ပစ်ချပေးလိုက်တယ်.. ကျွန်တော်ကလည်း ပါးစပ်ကနေ
တစ်ခုခုပြောပြီး မြေပေါ်လဲနေတဲ့ဂမုန်းပင်ကို ရေနဲ့လောင်းလိုက်တဲ့အခါ
အပင်ကနေ ပန်းအဖူး ရိုးတံနဲ့ချက်ချင်းထွက်လာ.. ငုံရာကဖူး.. ဖူးရာကနေ
ချက်ချင်းပွင့်သွားပါတယ်.. ပန်းက နှစ်ပွင့်လားသုံးပွင့်လား မပြောတတ်ဘူး..
ဖြူဖွေးပြီးအပွင့်ခပ်ကြီးကြီးနဲ့လှတာတော့ မှတ်မိတယ်.. အဲလိုပန်းတွေ
ချက်ချင်းပွင့်လာတာမြင်တော့ ရွာလူကြီးလိုလိုလူနဲ့ တခြားသူတွေ
ကျွန်တော့်ကိုကြည့်တဲ့အကြည့်တွေ ပြောင်းကုန်တယ်.. အိပ်မက်က
ဒီမှာတင်ပဲပြီးသွားလေရဲ့.. အဲဒီအိပ်မက်မက်ပြီးတဲ့နောက်မှာ..
နောက်ထပ်နောက်ထပ် မမျှော်လင့်ထားတဲ့အိပ်မက်တွေ လက်တွေ့ဘ၀မှာ
ဆက်တိုက်ဖြစ်လာခဲ့တယ်.. ကိုယ့်အသားကိုယ်ဆွဲဆိတ်ကြည့်တော့လည်း အနာသားပဲ..
အိပ်မက်က ကျွန်တော့်အတွက် လှလွန်းလို့ ဒီအိပ်မက်ကနေ လန့်နိုးသွားမှာကို
စိုးရိမ်မိပါရဲ့.. ထီးစိုင်သီချင်းထဲကလို "အိပ်မက်ကလှတယ်..
ဘ၀ကရုပ်ဆိုးတယ် ထင်နေသူကို.. နှစ်သိမ့်ပါရစေ... မိုးမလင်းသေးဘူး..
အိပ်ဦးလို့.." ခပ်တိုးတိုးလာပြောပေးနေစေချင်ပါရဲ့လေ..

Oh.... little bird!
How I wish to be like you.
Can happily fly in the sky.

No, no , dear flower.
When your friends the sun,
wind and rain lose temper,
I am in great danger.

Oh, birdie!
Is it not great to be in the sky?

No, but someday,
as you smile in a vase,
I may cry in a cage.

So,... dream not of the high
but thank and love your soil.

Moe Hein

"မီး"ဆိုတဲ့ အသံကြားရင် သွေးလန့် မိတာ ရတနာပုံဈေးကြီးမီးလောင်ပြီးကတည်းကပါ.. အခုလည်း မနေ့ က ကျွန်တော်တို့ ရုံးနဲ့ ကပ်ရပ် Kanebo အလှကုန်မှာ မီးလောင်ပါတယ်.. ၀ါယာရှေ့ာလို့ ပြောတယ်.. မီးးး မီးးး ဆိုတော့ ကျွန်တော်က ရုံးကဖွင့်တဲ့ Cyber ထဲမှာ.. ကိုယ့်ဂျူတီချိန်မဟုတ်ပေမယ့် လုပ်စရာရှိနေလို့ Cyber ထဲရောက်နေခဲ့တယ်.. မီးလို့အသံကြားလိုက်တာနဲ့ အင်တာနက်သုံးနေတဲ့သူတွေလည်း အကုန်ထပြန်ကြတယ်.. Cyber ကမောင်လေးက မီးသတ်ဗူးဆွဲပြီး အပြင်ထွက်သွားတယ်.. မီးစက်ကိုလည်း ရပ်လိုက်တယ်.. အပြင်ထွက်ကြည့်လိုက်တော့ ကျွန်တော်တို့ နဲ့ကပ်ရပ်မှာ မီးခိုးတွေက လုံးလို့ .. Cyber ထဲ အပြေးဝင်ပြီး ကျွန်တော်လည်း စက်ကိုဖြုတ်သိမ်းရင်းနဲ့ ငါ့မှာ ဘာပစ္စည်းယူစရာရှိသလဲ အပြေးအလွှားစဉ်းစားတော့ မနေ့က မိုးရွာလို့ ကိုယ့်ဆီအပ်ထားခဲ့တဲ့ Laptop တစ်လုံးနဲ့ ကိုယ့်ရဲ့ ပိုက်ဆံအိတ်တွေ သတိရလိုက်ပါတယ်.. (လူဟာ ကိုယ့်ကိုယ်ကိုယ်အချစ်ဆုံးဆိုတာ အရေးအကြောင်းဆိုပေါ်တာပဲ..ဟီးး ).. ကိုယ့်ပစ္စည်းတွေက သုံးထပ်မှာ.. အပေါ်တက်မယ်လို့ သင်တန်းဘက်ကူးခဲ့တော့ အပေါ်ကလူတွေ (သင်တန်းသားတွေ+ဆရာမတွေ)အားလုံး ပြေးဆင်းလာကြပြီ.. ဒါနဲ့ အပေါ်တန်းတက်လို့မရဘူး.. အောက်မှာပဲရပ်စောင့်ရင်း နည်းနည်းလူပါးမှ တက်.. နွေရာသီကလေးတန်းဖွင့်ထားချိန်ဆိုတော့ သင်တန်းသားတွေက ကလေးတွေခပ်များများပါ.. တချို့ကလေးတွေက လှေကားမှာတင်ရပ်နေကြလို့.. ဆင်းဆင်းဆိုပြီး လက်ကကိုင်ဆွဲထိန်း အောက်ကိုဆင်းခိုင်းရတယ်.. မီးစက်ပိတ်ချလိုက်တော့ မှောင်ကလည်းမှောင်.. မီးလောင်တယ်ဆိုတော့ ကြောင်သွားကြတာလည်း ပါပါလိမ့်မယ်.. ပစ္စည်းယူရမယ့်အထပ်ကိုရောက်တော့ ဖိနပ်ချွတ်မှာ ဖိနပ်တွေအများကြီး.. တချို့ကလေးတွေနဲ့ ဆရာမတွေ ဖိနပ်မယူနိုင်ဘဲ ပြေးဆင်းသွားကြပုံပဲ.. အထဲကိုဝင်တော့ တံခါးဝမှာတင် အနံ့တစ်ခုက နှာခေါင်းထဲ စူးခနဲဝင်.. ဒီအနံ့ကို သိပ်ရင်းနှီးတာပဲ.. ဟုတ်တာပေါ့.. သိပ်ကိုရင်နာစရာကောင်းတဲ့အနံ့.. တုန်လှုပ်ရတဲ့အနံ့... ICT မီးလောင်တော့ တစ်နေကုန် ဒီအနံ့က နှိပ်စက်ခဲ့တာ.. စိတ်ထဲမှာ ဆတ်ခနဲတုန်သွားတာသိလိုက်တယ်.. ဒါပေမယ့် ကိုယ့်လာရင်းကိစ္စကို သတိရလိုက်ပြီး ပစ္စည်းတွေထားတဲ့အခန်းကို အပြေးဝင်.. Laptop ကိုကောက်လွယ်.. ပိုက်ဆံအိတ်ပြေးယူ.. မနက်ကမှ သူငယ်ချင်းအကြုံပါးလိုက်တဲ့ သူ့ မင်္ဂလာဆောင်ဓါတ်ပုံတွေ အိတ်ထဲကောက်ထည့် (တိုက်က အာစီတိုက်ဆိုတော့ ချက်ချင်းတော့ မီးမကူးလာနိုင်ဘူးဆိုတဲ့ ယုံကြည်ချက်နဲ့ပေါ့ ).. ရုံးမှာ ညအိပ်လို့ ယူလာတဲ့အ၀တ်အစားတွေနဲ့ အိပ်ရာလိပ်ကိုတော့ ချန်ထားခဲ့လိုက်တယ်.. ဒါတွေမရှိလည်း ဖြစ်တာပဲလေ.. မှောင်နဲ့မည်းမည်းကို အောက်ထပ်အပြေးဆင်း.. ထမင်းစားခန်းအထပ်ဝင်ပြီး စာအုပ်တွေ သယ်ရမလားစဉ်းစားသေးတယ်.. နောက်တော့.. မသယ်တော့ဘူးကွာ.. ခုလောလောဆယ် ပါလာတဲ့ပစ္စည်းတွေတောင် ဘယ်နားသွားထားရမှန်းမသိသေးဘူး.. ရုံးက ပစ္စည်းတွေလည်း နိုင်သလောက်ကူသယ်ရဦးမှာ.. စာအုပ်က ဒီအချိန်မှာ အရေးမကြီးတော့ဘူးဆိုပြီး.. အောက်ကိုဆင်းချလာလိုက်တယ်.. ဓါတ်ပုံတွေကို ယူလာပေးတဲ့သူငယ်ချင်းလက်ထဲ ထည့်ခဲ့လိုက်တယ်.. သူလည်း ဘာယူလို့ယူရမှန်းမသိဖြစ်နေတဲ့အချိန် ဓါတ်ပုံတွေသတိရလိုက်တာဖြစ်မယ်.. :)

လူတွေလည်း တရုန်းရုန်း.. ကိုယ်ကလည်း Laptop နှစ်လုံး ၊ အိတ်တစ်လုံးနဲ့ စက်ဘီးနားမှာသွားရပ်ရင်း ဘယ်လိုလုပ်ရမှန်းမသိ စဉ်းစားနေတာ.. ရုံးက ပစ္စည်းတွေလည်း သယ်ချင်သေးတယ်.. ကိုယ့်ပစ္စည်းလည်း ချထားခဲ့လို့ မဖြစ်.. ဘာလုပ်ရမယ်မှန်းမသိဖြစ်နေတုန်း.. ဖိုရမ်ကနေ ခင်ခဲ့တဲ့ သူငယ်ချင်းရောက်လာတယ်.. ပစ္စည်းတွေ ငါ့ပေးလိုက်တော့.. ရုံးပစ္စည်းတွေ သယ်မယ်ဆို သွားသယ်ဆိုပြီး ကျွန်တော့်ဆီက ပစ္စည်းတွေရယ်.. ကျွန်တော့်သူငယ်ချင်းတစ်ယောက်ရဲ့ Laptop တစ်လုံးရယ်ကို ယူသွားပေးတယ်.. သူ့အိမ်က ကျွန်တော်တို့ ရုံးနဲ့ နီးတော့ ကံကောင်းတာပေါ့.. ပစ္စည်းတွေသယ်ကြမယ်ဆိုတော့ စက်ပစ္စည်းတွေထည့်ဖို့ စက္ကူပုံးတွေ လိုလာပါရော.. အဲဒါတွေက အပေါ်ထပ်မှာ.. အရောင်းခန်းက ညီမလေးက ဘယ်လိုလုပ်ရမလဲဖြစ်နေတုန်း.. လာ .. ယူမယ်ဆို အစ်မလိုက်ခဲ့မယ်.. မီးက ချက်ချင်းတော့ ဒီဘက်မရောက်နိုင်ဘူး..ဆိုပြီး အပေါ်ထပ်ကို ဒုတိယအခေါက်တက်ရတယ်.. ပထမတစ်ခေါက်တက်တည်းက ခြေထောက်တွေတုန်ပြီး အားမရှိသလိုဖြစ်နေတာ.. ခုတစ်ခေါက်လည်း ဒီလိုပဲ.. ဒါပေမယ့် အပေါ်ကိုရောက်အောင်တက်.. ဓါတ်မီးရှာပြီး နိုင်သမျှ စက္ကူပုံးတွေ သယ်ချလာလိုက်တယ်... ကျွန်တော်တို့ တက်ပြီးတော့ နောက်က သုံးလေးယောက်လည်းလိုက်တက်လာလို့ ပစ္စည်းသယ်ရလောက်အောင် အဆင်ပြေတယ်ပေါ့.. စိတ်ထဲမှာတော့ ရတနာပုံဈေးမီးလောင်တုန်းကလို အဖြစ်မခံနိုင်ဘူး.. ရုံးကပစ္စည်းသယ်နိုင်သမျှသယ်မယ်လို့ စိတ်ထဲမှာထားထားတော့ အပေါ်လည်းတက်ရဲခဲ့တယ်.. ရတနာပုံဈေးမီးလောင်တုန်းက ကိုယ့်အထပ် ကိုယ့်ရုံးကပစ္စည်းတွေ မသယ်နိုင်ဘဲ မလောင်မချင်း တစ်နေကုန်ဒီတိုင်းထိုင်ကြည့်နေခဲ့ရတာ.. ငါတို့ မသယ်ခဲ့လိုက်ရလေခြင်းဆိုတဲ့ ခံစားချက်က အရမ်းကိုခါးပါတယ်.. ခု သယ်နိုင်ခွင့်ရတော့ ကိုယ်နိုင်သမျှ သယ်မယ်လို့ စိတ်ကူးထားတော့ ဘာတွေအရေးကြီးလဲ.. ရန်ကုန်ကိုခရီးထွက်သွားတဲ့ ဆရာနဲ့ ဆရာမက ဘာတွေအရေးကြီးတယ် ၊ ဘာတွေသယ်ရမယ်ပြောလဲ ဖုန်းသတင်းကို နားစွင့်နေရတယ်.. ဆရာမကတော့ တစ်ခုခုဆို လူသာအရေးအကြီးဆုံးလို့ မှာထားပေမယ့် ကိုယ်တွေက လက်လွတ်ထွက်မပြေးချင်တာတော့ အမှန်ပါ.. နောက်တော့ အရေးကြီးတာတွေ ပြန်တက်ယူ.. (အင်း ရေးရင်းမှ သတိရတယ်.. မီးလောင်နေတုန်းက အပေါ်ထပ်ကို တက်လိုက်ဆင်းလိုက်လုပ်ခဲ့တဲ့အခေါက်ရေက နည်းမှ မနည်းပဲ)..

အရောင်းခန်းနဲ့ Cyber က ပစ္စည်းတွေရွှေ့.. အရေးထဲ.. မီးသတ်ကလား ဘယ်အဖွဲ့ကလည်းမသိ.. လူတစ်ယောက်က ပစ္စည်းတွေသယ်မနေနဲ့.. မီးက နိုင်တယ်.. ပျက်ဆီးတာပဲ အဖတ်တင်မယ်ဘာညာနဲ့ လာဟောက်နေတာ.. စိတ်ထဲကတော့ ထောင်းခနဲပဲ..ကိုယ်က လူငယ်မို့ သာပြန်မပြောဖြစ်လိုက်တာ.. မီးကိုနိုင်ပါတယ်ဆိုတဲ့စကားက ဘယ်လောက်များ ယုံစားလို့ ရနိုင်ပါမလဲ.. တကယ်မနိုင်ရင် ကျွန်တော်တို့လည်း မထင်ခဲ့လို့လို့ ဆိုတဲ့စကားနဲ့တင် ကိုယ်တွေက ခံလိုက်ရမှာ.. တစ်ခါခံရဖူးတဲ့လူတွေအနေနဲ့ ဘယ်တော့မှ ဒုတိယတစ်ခါ အဖြစ်မခံနိုင်ဘူးဆိုတဲ့စိတ်က ပိုပြင်းထန်လာပါတယ်.. မီးသတ်ကားတွေ ထပ်ရောက်လာတာ.. မီးငြှိမ်းနေတာသိပေမယ့် အဲဒါကို အရေးမလုပ်အားပါဘူး.. ရောက်လာတဲ့ကားတွေပေါ် ပစ္စည်းတွေ ကူတင်.. မီးအခြေအနေစောင့်ကြည့်.. အရောင်းခန်းက ပစ္စည်းတွေ အကုန်သယ်ပြီးမှ မီးက လုံးလုံးငြိမ်းသွားပါတယ်.. ဟားဟား.. တကယ်ပါပဲ.. မီးလည်းငြိမ်းသွားရော လူတွေလည်း ခြေကုန်လက်ပန်းကျ.. မီးလောင်နေတုန်းက သိပ်သတိမထားမိတာ.. မီးငြိမ်းသွားတော့မှ ရင်တွေတလှပ်လှပ်ဖြစ်နေပြီး ကိုယ့်ရင်ခုန်သံကိုယ် ပြန်ကြားနေရတဲ့အထိ စိတ်ကအရမ်းလှုပ်ရှားနေပါရောလား.. ကဲ.. မီးငြိမ်းသွားပြီဆိုတော့ အပြီးသတ်အခြေအနေခဏစောင့်ကြည့်ပြီး ပစ္စည်းတွေ ပြန်နေရာချရပါတယ်.. အရောင်းခန်းက အဓိကပေါ့.. Cyber ဘက်ကို Service က ယောက်ျားလေးတွေဝင်.. အရောင်းခန်းကို ကျွန်တော်အပါအ၀င် အရောင်းခန်းက ညီမတွေ ၊ Copier ခန်းဘက်က ညီမတွေ၊ Training Reception ကအစ်မတွေနဲ့ ပစ္စည်းတွေ ပြန်ထား.. အရောင်းခန်းက ညီမကို နောက်မိသေးတယ်.. နောက်တစ်ခါ အရောင်းခန်းက ပစ္စည်းတွေ ကူရှင်းဖို့လိုတယ်ဆို အေးအေးဆေးဆေးပြောပါဟယ်.. လာကူပေးပါ့မယ်.. ခုလိုတော့ အလန့်တကြားကြီးမလုပ်စမ်းပါနဲ့ လို့.. ဟူးးး မောခဲ့ရတဲ့ ဒုတိယအကြိမ်မီးအတွေ့ အကြုံပါ.. ဒီတစ်ခါတော့ အားလုံးပြီးဆုံးသွားတဲ့အချိန် ဆက်မမောရလို့ ဘယ်သူ့ကို ကျေးဇူးတင်မှန်းမသိ.. ကျေးဇူးတင်ပါတယ်..

ဒီနေ့ ကျွန်တော့်အချစ်ဆုံးလူတွေထဲက တစ်ယောက်ရဲ့မွေးနေ့ပါ.. အခုမွေးနေ့မှာတော့ သူကိုယ်တိုင်က လူချစ်လူခင်များတဲ့သူဖြစ်၊ မြန်မာပြည်မဟုတ်တဲ့နေရာမှာ နေသားကျနေလောက်ပြီလည်းဖြစ်လို့ ပျော်ရွှင်စရာမွေးနေ့ဖြစ်မယ်လို့ မျှော်လင့်ရပါတယ်.. မွေးနေ့လက်ဆောင်ဘာပေးရမလဲဆိုတာ အရင်ရက်တွေကတည်းက ကြိုတင်စဉ်းစားခဲ့တာ.. မနက်ခင်းက တောင်ပေါ်ကိုပြန်သွားဖြစ်တဲ့အတွက် မနက်ခင်းအတွက်လက်ဆောင် မပေးဖြစ်တော့ပါဘူး.. ဘ၀ဆိုတာ ကြံစည်တိုင်းလည်းမဖြစ်.. မကြံစည်လည်းဘဲ ဖြစ်တတ်ပါသတဲ့.. ကြံစည်တိုင်းမဖြစ်ခဲ့ရတဲ့ အစီအစဉ်တစ်ခုဖြစ်သွားတယ်.. အဲဒီလက်ဆောင်မပေးရလည်း ကြိုတင်စဉ်းစားထားတာထဲက နောက်တစ်ခုကို ပေးဖြစဖို့ ဒီပို့စ်လေးတင်ဖြစ်တာပါ..

စာဖတ်ပျင်းတဲ့သူငယ်ချင်းရေ.. ဒီပို့စ်ကိုတော့ ပြီးအောင်ဖတ်ပေးပါ..

ချစ်ခင်သူတွေဝိုင်းဝိုင်းလည်နေတဲ့သူငယ်ချင်းကို သီချင်းလေးတစ်ပုဒ်ဆိုပြချင်တယ်... အဲဒီသီချင်းထဲက စာသားတချို့ကို ကျွန်တော်သိပ်သဘောကျပါတယ်.. သီချင်းက ခေတ်ဟောင်းသီချင်းတစ်ပုဒ်ပါ.. တစ်ကျော့နှစ်ကျော့တေးကိုသီတဲ့.. ဆရာမင်းသုဝဏ်ရဲ့ ပန်းကောက်ကဗျာလေးနဲ့ အစပျိုးထားပါတယ်.. ဒီသီချင်းဟာ ရုပ်ရှင်ဇာတ်ဝင်သီချင်းလည်း ဖြစ်တယ်.. တစ်ကျော့နှစ်ကျော့တေးကိုသီ ဇာတ်ကားထဲမှာ အဆိုတော်တင်တင်မြ ဆိုထားတဲ့သီချင်းပါ.. ဇာတ်လမ်းကတော့ တော်တော်များများသိပြီးသားဖြစ်မယ်ထင်ပါတယ်.. တင်တင်မြဟာ သူ့ချစ်သူဝင်းဦးကို ညီမဖြစ်သူချိုပြုံးကလုယက်ခြင်းခံရပြီး မရှေးမနှောင်းမှာပဲ သူဟာမွေးစားသမီးလို့ သိလိုက်ရတယ်.. အမေရင်းကိုလိုက်ရှာပြီးတွေ့တော့လည်း နှင်ထုတ်ခံရတယ်.. ညီမဖြစ်တဲ့ချိုပြုံးရဲ့အမုန်းကိုလည်း သူရပါတယ်(၀င်းဦးကို လုတုန်းကလုပြီး ၀င်းဦးက သူ့ကိုမချစ်လာတော့ အစ်မဖြစ်တဲ့သူကို ဒေါကန်တာပါ).. ချစ်သူလည်းရှုံး၊ မိဘလည်းမဲ့၊ မွေးစားအိမ်ကညီမရဲ့ချစ်ခြင်းကိုလည်းမရတဲ့ တင်တင်မြက ဒီသီချင်းလေးကို နောက်ဆုံးဇာတ်ဝင်ခန်းမှာ ဆိုသွားတာပါ.. သီချင်းစာသားတွေထဲက..

"ကျွန်မတို့ငယ်ငယ် အမိရယ်အဖရယ်ဘ၀၀ယ်စုံစုံညီ

ချစ်သဒ္ဓါလောင်း မေတ္တာအပေါင်း

ချစ်ကြောင်းကုန်စင်သည်.. ချစ်ကြောင်းကုန်စင်သည်

တစ်မိတစ်ဝမ်းချမ်းမြလျှမ်းပ ဘယ်သူ့မှ မမျှမဝေ

ရလေလိုလေ ဖြစ်ခဲ့မိပါသည်….

သစ္စာအမြဲ မရမနေအထိသာ…

မေတ္တာ အသည်းမျှဝေကြည့်ကာ သိရတာ စာနာပြီ..

အဖြစ်ဇာတ်နမူ စုံလင်..မမေ့သည်

အချစ်ငတ်သူတွေ တစ်ပုံတပင်တွေ့ရပါပြီ

ချစ်တတ်သူဆွေ ဂုဏ်အင်္ဂါကပဲ

အသည်းတွေ…ခွဲဝေ… ပေးနိုင်ရပါမည်

မေတ္တာယူတော့ မေတ္တာပေး

တေးအဓိပ္ပာယ် အသွယ်သွယ်ထူးတလီ

ကျေးဇူးတင်ရပါစေမည်" .. ဆိုတဲ့အပိုဒ်ရယ်.. နောက်တစ်ပိုဒ်က..

"ကျွန်တော်တို့ ကျွန်မတို့လေ..

ချစ်လေသူကို.. ချစ်လေသူကို..

ကိုယ်ကတဖန် ပြန်လည်ချစ်တတ်ကြပါစေအတည်…

ဘ၀တေးဆိုလျှင် ခဏလေးမဆိုချင်

ကျော့ကျော့လွင်မှ အသွင်လှပါလေမည်

သို့သော်လည်း… မုန်းတေးတစ်ခါကျော့လျှင်

ချစ်တေး တစ်ခါနှစ်ခါ.. သုံးခါလေးခါ..

အခါခါကျော့စေချင်ပါသည်.. အခါခါကျော့စေချင်ပါသည်.." .. စာသားလေးတွေက သိပ်လှပါတယ်..

လူတွေမှာ ချစ်ခြင်းနဲ့ပတ်သက်လို့ အမျိုးအစားခွဲကြည့်ရင် ချစ်တတ်တဲ့သူ-မချစ်တတ်တဲ့သူ ၊ ချစ်ခြင်းကိုရအောင်လုပ်တတ်တဲ့သူ-ရအောင် မလုပ်တတ်တဲ့သူ၊ ရရှိပြီးသားချစ်ခြင်းတွေ တည်မြဲအောင် ထိန်းသိမ်းတတ်တဲ့သူ-မထိန်းသိမ်းတတ်တဲ့သူ၊ အချစ်ခံရခြင်း-ချစ်ရခြင်းမှာ ရောင့်ရဲနိုင်သူနဲ့ မရောင့်ရဲနိုင်သူ.. စသဖြင့် ကျွန်တော်ခွဲခြားကြည့်မိတယ်.. ဘယ်လိုပဲဖြစ်ဖြစ် အချစ်ဆိုတာ မူလက ဘာအရောင်မှမရှိကြည်လင်တဲ့သဘောသာရှိမယ် (တရားသဘောနဲ့ကြည့်ရင်တော့ တစ်မျိုးဖြစ်မယ်ပေါ့လေ).. အချစ်ဖြစ်တည်တဲ့ နေရာ(လူ)အပေါ်မူတည်ပြီး အချစ်ဟာ အရောင်တွေ ပြောင်းသွားတတ်ပါတယ်.. ချစ်ခြင်းဖြစ်ပေါ်တဲ့ လူပေါ်မူတည်ပြီး အချစ်ရဲ့တန်ဖိုးကလည်း ပြောင်းလဲသွားတတ်ပါတယ်.. ကျွန်တော်ဆိုလိုတဲ့အချစ်ဟာ သူငယ်ချင်းချင်း၊ မိသားစုချင်း၊ ချစ်သူချင်းချင်း အားလုံးကြားမှာ ဖြစ်တတ်တဲ့အချစ်ပါ.. လူနှစ်ဦး(လူအချင်းချင်း) ကြားကအချစ်ဟာ ချစ်တတ်ခြင်းနဲ့ ထိန်းသိမ်းနိုင်တဲ့အစွမ်း-ရောင့်ရဲနိုင်စွမ်းပေါ်မူတည်ပြီး တည်တံ့ခြင်းအချိန်ကွာပါလိမ့်မယ်.. (မိဘနဲ့ သားသမီးကြားကအချစ်က ချွင်းချက်ပေါ့လေ).. ဘယ်လိုပဲဖြစ်ဖြစ် ဖြစ်ပေါ်လာတဲ့ချစ်ခြင်းတွေကို တည်တံ့အောင်ထိန်းသိမ်းပြီး မဖြစ်နိုင်တော့ဘူးဆိုမှ လက်လွှတ်စေချင်ပါတယ်.. မုန်းဖို့ဆိုတာ လွယ်တယ်မဟုတ်လား.. ကိုယ့်အပေါ်သူလုပ်ဖူးတဲ့အမှားတွေ ထပ်ခါထပ်ခါမြင်ပစ်လိုက်တာနဲ့ အမုန်းတရားဆိုတာ ချက်ချင်းပွားသထက်ပွားလာနိုင်တာပဲ.. တကယ်ချစ်ဖို့ဆိုတာ ခက်ခဲပါတယ်..

တစ်ဖက်သားကို ပြန်ချစ်တဲ့နေရာမှာလည်း တစ်ဖက်ကလိုချင်တဲ့ပုံစံနဲ့မဟုတ်ရင်တောင် တခြားပုံသဏ္ဍာန်မျိုးနဲ့ ချစ်နိုင်ပါသေးတယ်..

ချစ်သူခင်သူများတဲ့ သူငယ်ချင်းရေ… အချစ်ငတ်သူတွေ တစ်ပုံတစ်ပင်ရှိနေလေတော့ ကိုယ့်ကိုချစ်လေသူကို ကိုယ်ကတဖန် ပြန်လည်ချစ်တတ်ပါစေ… မုန်းတေးတစ်ခါကျော့မိရင် ချစ်တေးတွေ အခါခါဆိုနိုင်ပါစေလို့… အဖြစ်အပျက်များစွာ အတွေ့အကြုံများစွာထဲက ရှာဖွေတွေ့ရှိခဲ့တဲ့ ချစ်ခြင်းဖြင့် စိတ်ငြိမ်းချမ်းခြင်းသဘောတစ်ခုကို မွေးနေ့လက်ဆောင်အဖြစ် ဝေမျှလိုက်ပါရစေ.. Happy Birthday, May Zin!!

စာတစ်အုပ်ရဲ့ လွမ်းချင်း

ပထမဆုံးနဲ့ နောက်ဆုံးလို့ ရွယ်ရည်
ပန်းနံ့ မွှေးမွှေး ခေါင်းအုံးဘေးကနေရာလေးကို စွန့် ခဲ့ပြီ...
နဖူးစွန်းမှာ ပိုင်သူရဲ့ အမည်တပ်
အနောက်မှ အရှေ့ သို့ ခရီးထွက်....။

တိုက်ခိုက်မှုအနည်းဆုံးယာဉ်ထက်
ယာယီလက်မှာ ပျော်တော်ဆက်....
ဝါးလုံးမကွဲ အပြုံးမစဲစေ
အသက်သွင်းသူရဲ့ စေတနာတွေ
တစ်မျက်နှာချင်း လှစ်ဟခြွေ
နွေနေမှာ လေပြေမသွေးနိုင်လည်း
စိတ်နှလုံးတွေ ကြည်စေ အေးစေ.....။

တေလေလိုလွင့် မြေမှာပင်မွေ့ ချင်လည်း
ပန်းတစ်ပွင့်အိပ်မက် အသက်ဆက်ရအောင်
ငြိုငြင်မှာလည်း သိနေ...
မလိုချင်ရင်လည်း ရှိစေ..
သေရေးရှင်ရေးအဖြစ် အရေးမကြီးတဲ့ကောင်အနေနဲ့ 
ထားရာမှာနေဖြစ်တော့မယ်
မင်းလက်က အယုအယတွေ
ခပ်ဖွဖွအနမ်းလေးတွေ
ပန်းစုံသင်းတဲ့ ဆံနွယ်တွေ
လွမ်းးး လွမ်းတယ်လေလေ့... ပန်းကလေးရေ...။

နွေနှင်း
5:00 pm to 7:10 pm

ဆည်းဆာဆိုရင် နေ၀င်ချိန်ကိုပဲ ပြေးမြင်တတ်ကြပါတယ်.. မနေ့က မေလထုတ် သူရဇ္ဖမဂ္ဂဇင်းဖတ်မိတော့မှ ဆည်းဆာချိန်လေးမျိုးရှိတဲ့အကြောင်း သိရတယ်.. စာရေးသူအမည်က စရဏပါ.. ဆည်းဆာဆိုတာ “ကူးပြောင်းချိန်”လို့ အဓိပ္ပာယ်ရှိပါသတဲ့.. ဆည်းဆာအမျိုးအစားလေးမျိုးက အရုဏ်ဦးဆည်းဆာ (ညဥ့်အမှောင်ပျောက် နေ့အလင်းသို့ ကူးပြောင်းဝင်ရောက်ချိန်) ၊ မွန်းတည့်ဆည်းဆာ (မနက်ခင်းကနေ မွန်းလွဲချိန်ကို ကူးပြောင်းတဲ့အချိန်) ၊ နေ၀င်ဆည်းဆာ (နေ့အချိန်မှ ညဥ့်ဦးယံသို့ ကူးပြောင်းချိန်) ၊ သန်းခေါင်ယံဆည်းဆာ (ညဥ့်ဦးယံအချိန်မှ ညဥ့်လယ်ယံသို့ ကူးပြောင်းချိန်) ဆိုပြီး လေးမျိုးရှိတယ်လို့ မှတ်သားရပါတယ်.. မြန်မာစာက၀ိများအတွက်မဟုတ်ဘဲ ကျွန်တော့်လို ဆည်းဆာအမျိုးအစားတွေ ခွဲခြားမသိသေးသော လူများအတွက် ဝေမျှလိုက်ပါတယ်ဗျာ.. ခုပြောသွားတဲ့ဆည်းဆာအချိန်တွေကို အင်္ဂလိပ်လို စကားလုံးများရှိမယ်ထင်ပါတယ်.. ဝေမျှပေးနိုင်ရင် ကောင်းပါမယ်.. ကျွန်တော်သိတာတော့ dawn နဲ့ sunset ..

မန္တလေးကို အလည်ပြန်လာတဲ့ မောင်လေးတစ်ယောက်က ညည်းညူပါတယ်.. လက်ဖက်ရည်ဆိုင်ထိုင်ချင်လို့ လိုက်ရှာလိုက်ရတာ.. ဘီယာဆိုင်တွေက မှိုလိုပေါက်.. လက်ဖက်ရည်ဆိုင်တွေက ကြားညပ်ပြီး ပျောက်နေတယ်တဲ့.. ကျွန်တော်တို့လမ်းထဲ ရှမ်းခေါက်ဆွဲဆိုင်လေးက တရုတ်မလည်း ရှမ်းဆိုင်ဆက်မဖွင့်တော့ဘူး.. ဘီယာနဲ့ အကင်ဆိုင် သွားဖွင့်နေပြီတဲ့.. ရုံးနားက မင်းသီဟလက်ဖက်ရည်ဆိုင်ဖွင့်သွားတဲ့ အရင်နေရာမှာ ဘီယာဆိုင်က ဟီးလို့.. ရုံးကအပြန် လမ်းတလျှောက်လည်း ဘီယာဆိုင်တွေက မီးရောင်စုံတလက်လက်နဲ့ ဆိုင်ကယ်အပြည့်ပါပဲ.. ဒါဟာ ကောင်းခြင်းလက္ခဏာလား ဆိုးခြင်းလက္ခဏာလား.. ကောင်း၏ ဆိုး၏ ယတိပြတ်ပြောလို့ ရပါ့မလား စဉ်းစားမိပါတယ်.. ဘာသာရေးရှုထောင့်ကကြည့်ရင်တော့ ကံတစ်ပါးကျိုးဖို့အခွင့်အရေးများလာတယ် ပြောရမှာပဲ.. စင်တင်တေးဂီတဘာညာပါလာရင် အင်း.. ကျိုးမယ့်ကံတွေ နောက်ထပ်တိုးလာမယ်.. ဆိုတော့ ဘာသာရေးဘက်ကကြည့်ရင် မကောင်းဘူးလို့ အဖြေထွက်မယ်လို့ ယူဆပါတယ်.. ဒါဖြင့် ကျန်းမာရေးကကြည့်ရင်ရော.. တလောလေးက planet မှာ ဘီယာဟာ အရိုးကိုသန်မာစေပြီး အရိုးနဲ့ ပတ်သက်တဲ့ရောဂါတွေ ကာကွယ်ပေးတယ်ဆိုတဲ့သတင်း ဖတ်လိုက်ရပါတယ်.. အလွန်အကျွံဆိုရင်တော့ သူလည်း ဆိုးကျိုးရှိမယ်လို့လည်းသတိပေးထားပါတယ်.. ဒါဆို ဘီယာဆိုင်တွေပေါလာတာ ကြိုဆိုရမလားပေါ့.. အရိုးကို သန်မာစေတယ်ဆိုတာကိုး.. အာရှဖွားအမျိုးသမီးအများစုက အရိုးကြွပ်ဆတ်တာ၊ အရိုးပွရောဂါဖြစ်လွယ်ပါသတဲ့.. ဆိုတော့ ကိုယ်တောင် ဘီယာစွဲသောက်ကြည့်ရတော့မလား တွေးမိသေးတယ်.. ဘီယာတစ်ဂျားကို ၅၀၀ ကျပ်ပဲဆိုတာကိုး.. ဒါပေမယ့် ဘီယာဗိုက်ဆိုတာ မျက်စိထဲမြင်ကြည့်လိုက်တော့ အဲဒီအတွေးကို လက်လျှော့လိုက်ပါတယ်..း) ဘီယာကို မသောက်ဖူးလို့ ဘီယာသောက်ဖူးတဲ့သူငယ်ချင်းတွေကို မေးကြည့်ပါတယ်.. ပထမနှစ်ခွက်လောက်ပဲ အရသာရှိတယ်.. ဒါတောင် ဘီယာကလည်း အေးစိမ့်နေမှ၊ ထည့်တဲ့ခွက်ကလည်း ရေခဲစိမ်ခွက်မှ သောက်လို့ကောင်းပါသတဲ့ .. အဲလိုဆိုရင်တော့ လူက လန်းဆန်းတက်ကြွသွားတယ်ဆိုပဲ.. (မေးထားမိတဲ့ ဘီယာသောက်နည်းပါ ) နှစ်ခွက်ထက်ကျော်ရင်တော့ ရီတီတီဖြစ်လာတဲ့အတွက် မူးတာကိုမကြိုက်ရင် နှစ်ခွက်က အကောင်းဆုံးပါတဲ့.. ဘီယာဟာ ဗိုက်ရွှဲတာလောက်ကလွဲပြီး ထူးထူးထွေထွေမကြားဖူးတော့ ကျန်းမာရေးရှုထောင့်ကကြည့်ရင် ဘာမှသိပ်ပြောစရာမရှိသလိုပါ.. ဒါပေမယ့် ဘီယာနဲ့ တွဲရောင်းတဲ့အကင်ကတော့ ပြသ၁နာရှိပါတယ်.. ကာဗွန်တွေလွှမ်းထားတဲ့ အကင်တွေဟာ ကင်ဆာဖြစ်နိုင်ခြေပိုများတဲ့အကြောင်း ဆရာဝန်တွေနဲ့ ကျန်းမာရေးစာစောင်တွေမှာ ဖတ်ဖူးပါတယ်.. ဆိုတော့ အကင်တွေအရောင်းများလာတာ ကျန်းမာရေးရှုထောင့်အရ မကောင်းဘူးလို့ မြင်မိပါတယ်.. ဘီယာဆိုင်ဆိုတာ အရင်က ယောက်ျားလေးပဲ အထိုင်များလိမ့်မယ်.. နောက်ပိုင်းကျ တခြားအစားအသောက် (မာလာဟင်း၊ အကင်..စတာတွေ )ရလာတော့ မိန်းကလေးတွေပါ ထိုင်ကြတယ်.. အကင်အစားများမယ့်သူက မိန်းကလေးတွေလို့ မှန်းကြည့်မိပါတယ်.. ကျွန်တော်တို့လည်း သူငယ်ချင်းတွေနဲ့အတူ ဘီယာဆိုင်ထိုင်ဖူးတယ်.. ဘီယာမသောက်ဘဲ အကင်စားလိုက် ၊ ဟင်းစားလိုက် လုပ်ခဲ့ကြတာဆိုတော့လေ.. ဘီယာတော့ တော်သင့်ရုံသောက်ချင်သောက်.. အကင်တော့ အများကြီးမစားမိအောင် သတိထားကြပါလို့ပဲ ပြောရတော့မယ်.. လက်ဖက်ရည်ဆိုင်ယဉ်ကျေးမှုကနေ ဘီယာဆိုင်ယဉ်ကျေးမှုကိုပြောင်းနေတဲ့ အကူးအပြောင်းကာလမှာ သတိထားစရာတွေပါ..

font ပြောင်းဖို့ စဉ်းစားနေတာကြာပြီ.. ဘလော့ဘက်ကို မလှည့်နိုင်ခဲ့တာ.. ဘလော့ကို မကလိတာကြာတော့ ဘာတွေလုပ်ရမှန်း မမှတ်မိတော့ဘူး.. ပို့ စ်အစမ်းတင်ကြည့်ပြီး အဆင်ပြေတယ်ဆိုရင် အရင်ပို့စ်အဟောင်းတွေပါ ၀င်းကလောဖောင့်ကနေ ပြန်ပြောင်းပြီး ပြန်တင်မယ်စိတ်ကူးမိပါတယ်.. လာလည်တဲ့သူငယ်ချင်းတွေကို ကျေးဇူးတင်ပါတယ်..

မနေ့က...

သူငယ်ချင်းတစ်ယောက်သွားချင်တဲ့ဘုရားကို မနက်စောစောထပြီး လိုက်ပို့ဖြစ်ပါတယ်.. နှစ်ယောက်သား အိမ်တွေမှာချိန်းဖို့ရာ မလွယ်တော့ တမြန်မနေ့ကတည်းက ညဘက်ရုံးမှာအိပ်လိုက်ကြတယ်.. မနက်ထတော့ မီးကမလာ.. ရာသီဥတုကလည်း ပူတာလိုလို အေးတာလိုလိုနဲ့.. နေက တော်တော်နဲ့မထွက်.. မှောင်နဲ့မည်းမည်း.. မနက် ၅ နာရီ၊ ၅ နာရီခွဲဆိုတာ မနက်အစောထပြီးသွားလာနေကျလူတွေအတွက် ဘာမှမဟုတ်ဘူးပေါ့.. ကိုယ်တွေက မနက်အစောထ ခရီးသွားလာတာမျိုး သိပ်ရှားတာကိုနော်.. သူငယ်ချင်းနှစ်ယောက်ကလည်း တစ်ယောက်က မနက်အား.. တစ်ယောက်က ညနေမှအား.. စနေ တနင်္ဂနွေကျ ကိုယ်ကမအားဆိုတော့ အားတဲ့အချိန်ချိန်းလိုက်ကြတာ မနက်အစောကြီးဖြစ်ကရော.. သွားရမယ့်နေရာကလည်း မြို့ပြင်မှာ.. နေမထွက်ပေမယ့် အလင်းလေးနည်းနည်းရှိပါတယ် ၊ လမ်းသွားရင်း မိုးလင်းသွားလိမ့်မယ်ဆိုပြီး ဆိုင်ကယ်တစ်စီးနဲ့ထွက်ခဲ့ကြတယ်.. အနောက်ကျူံး.. လူရှင်းတယ်.. အအေးက ပုံမှန်ပဲ.. မြောက်ကျူံးဘက်ရောက်.. ဂေါက်ကွင်းဘက်အသွားလမ်း (မတ္တရာလမ်း ) ကွေ့လိုက်တဲ့အချိန် အားးးး အေးလိုက်တာ.. အနွေးထည်က ကုတ်တစ်ထပ်တည်းဝတ်လာမိတာ.. ဆိုင်ကယ်စီးရင်း ချမ်းလာတယ်.. မေးတောင် နည်းနည်းရိုက်ချင်ချင်ရယ်.. မန်းတောင်ရဲ့အရိပ်နဲ့ ဂေါက်ကွင်းဘက်နားက သစ်ပင်တွေကြောင့် နွေရောက်တာတောင် အေးနေတာ.. ပုံမှန် မန္တလေးနွေဆိုရင်တော့ ဘယ် ဒီလောက်အေးလိမ့်မလဲ.. ရာသီဥတုက ဘာကြီးဖြစ်နေမှန်းကို မသိတာ..

ဂျီတီစီကျောင်းသွားတဲ့နားရောက်တော့ စစ်ဆေးရေးဂိတ်ကိုတွေ့တယ်.. ရွှေကျင်ကွေ့အကျော်ပေါ့.. ကိုယ်သွားဖူးမယ့်ဘုရားက ဂျီတီစီကျောင်းနဲ့ မျက်နှာချင်းဆိုင်မှာ.. စစ်ဆေးရေးဂိတ်ကို ကျောင်းသွားတဲ့လမ်းအ၀င်ဝမှာ ဘာလို့များထားတယ်မသိဘူးလို့ သူငယ်ချင်းက ပြောပါတယ်.. အန္တရာယ်များတယ်.. ကားရပ်တာတွေ ၊ သွားတာတွေနဲ့.. ဆိုင်ကယ်တွေနဲ့.. အ၀င်လမ်းက ကတ္တရာလမ်းမို့ နည်းနည်းတော်သေးတယ်.. အဲဒီဘက်က မြူပိုထူသလိုပဲ.. ရွှေရောင်တ၀င်းဝင်းနဲ့ စေတီကိုမြင်တယ်.. အ၀င်မုခ်ဦးက ခပ်မှောင်မှောင်.. ဝေလီဝေလင်းအချိန်ဆိုတော့ ဘုရားဖူးတွေလည်းမရှိ.. လမ်းသွားလမ်းလာလည်းသိပ်မရှိ.. ဒီဘုရားဖြစ်မှာပဲဆိုပြီး ပြောပြောဆိုဆို ဆိုင်ကယ်ကိုကွေ့ပြီးဝင်ချလိုက်တော့ အတူပါလာတဲ့သူငယ်ချင်းက ထအော်ပါတယ်.. ဟယ်..ဟယ်.. လုပ်ချလိုက်ပြန်ပြီ.. ငါ ကြောက်တယ်တဲ့.. ဒုက္ခော.. သူသွားချင်တယ်ဆိုလို့ လိုက်ပို့တာ.. ကျွန်တော်လည်း ၀င်ပြီးမှတော့ မထူးဘူး.. အထဲထိဆက်ဝင်လိုက်တယ်.. မျက်လုံးကလည်း ဘုရားဝတ်ပြုလို့ရမယ့်နေရာ လိုက်ရှာ.. ဇရပ်ကြီးကြီးတစ်ဆောင်တွေ့လို့ အဲဒီနားမှာ ဆိုင်ကယ်ရပ်ပြီး ပတ်ဝန်းကျင်ကို နည်းနည်းအကဲခတ်.. ဘုရားဝင်းရဲ့ အရှေ့တောင်ထောင့်လောက်မှာလည်း ဇရပ်လိုလို ဓမ္ဖာရုံလိုလိုဟာတွေ့တယ်.. ဘုရားဝင်းထဲမှာ ကားတွေရော ၊ နွားတွေရောဗျာ... ဘုရားနားက သစ်ပင်မှာ နွားနှစ်ကောင်ကြိုးချည်ထားတယ်.. ကားက နှစ်စီးလောက်ပေါ့.. ကားဝပ်ရှော့လာဖွင့်ထားတာလားမသိလို့ သူငယ်ချင်းက ထင်ကြေးပေးတယ်.. နှစ်ယောက်သား ဟိုဒီကြည့်နေတုန်း ဇရပ်ပေါ်အိပ်နေတဲ့သူက ခြင်ထောင်မ,ပြီး ထကြည့်တယ်.. ဆိုင်ကယ်သံကြားလို့ နိုးလာတယ်မှတ်တယ်... ဒါနဲ့ ကျွန်တော်လည်း ခပ်တည်တည်နဲ့ ဒီဘုရားက ဘာဘုရားခေါ်လဲလို့မေးလိုက်တာ.. လောကမာရဇိန်ဆိုလားဘာလားမသိ.. ပြန်ဖြေတယ်.. မဟုတ်ဘူး အရပ်ခေါ်ကိုမေးတာဆိုတော့.. မယားကြီး မယားငယ်ဘုရားတဲ့ (ဘုရားကြီး ဘုရားလေးလို့လည်း ခေါ်ပါတယ် ).. ဒါက မယားကြီးဘုရားလားဆိုတော့ ဟုတ်တယ်တဲ့..

ဘုရားပေါ်တက်လို့ရလားဆိုတော့ မရဘူးတဲ့.. အေးရော.. အောက်မှာလည်း ထိုင်စရာမရှိ.. ဇရပ်ပေါ်မှာလည်း လူအိပ်နေတာကိုနော်.. အဲဒီပေါ်မှာ ဘာတွေရှိမှန်းလည်း ကိုယ်မှမသိတာ.. စေတီတည်ထားပုံကလည်း ပုဂံဘက်က ရွှေစည်းခုံဘုရားလို ပုံစံမျိုးနဲ့.. စေတီခြေရင်းကနေ အပေါ်ကို လှေကားလုပ်ထားတယ်.. လှေကားကို အုတ်မြင့်မြင့်နဲ့ခံပြီးလုပ်ထားတာ.. ဘုရားပေါ် မိန်းမတက်လို့မရအောင်ထင်ပါရဲ့.. ဓမ္ဖာရုံလိုလိုနေရာမှာ ဘုရားဝတ်ပြုလို့ရမလားလို့ စမ်းတ၀ါးဝါးနဲ့ သွားကြည့်တော့ တံခါးပိတ်ထားတယ်.. အထဲမှာ ၃၇ မင်း နတ်ရုပ်တွေနဲ့.. အဲဒီထဲက ခွေးတွေက ထ,ဟောင်ပါရော.. ခွေးဟောင်သံကြားတော့ အမျိုးသမီးတစ်ယောက်ထွက်လာတယ်.. သူလည်း အိပ်ရာထလာတာ.. (ဖြစ်ရလေ) ကျွန်တော်တို့လည်း အားနာတာနဲ့.. ရတယ် ရတယ်.. တံခါးမဖွင့်တော့နဲ့.. အပြင်မှာ ကျွန်တော်တို့ ဘယ်နားမှာ ဘုရားဝတ်ပြုလို့ရမလဲလို့မေးတော့.. အုတ်လှေကားပေါ်မတက်ခင် လှေကားရင်းကနေ ၀တ်ပြုလို့ရတယ်တဲ့.. ဟူးးးး ဒါနဲ့ လာရာလမ်းပြန်လှည့်ပြီး ဘုရားဝတ်ပြုနိုင်မယ့်နေရာရှာ.. မြောက်ဘက်မုခ်လှေကားရင်းမှာ ဘီလူးနှစ်ကောင်ငုတ်တုတ်ထိုင်နေတယ်.. အုတ်ခုံအမြင့်ကြီးပေါ်လည်း ဘယ်လိုမှတက်ရမှာမဟုတ်လို့ မြေကြီးပေါ် ဖိနပ်လေးခု.. ဘုရားဝတ်ပြုပြီး နောက်ဘုရားတစ်ဆူကို ကူးခဲ့တယ်..

နောက်တစ်ဆူကလည်း အဲဒီဘုရားနဲ့ ကပ်ရပ်ဝင်းကပဲ.. ပုံသဏ္ဍာန်ရော ဘာရော အကုန်အတူတူပဲ.. ထုံးသင်္ကန်းကပ်ထားတာရယ် ၊ ထီးအသစ်တင်ထားတာရယ်ပဲ ကွာတယ်.. သူငယ်ချင်းက သူ့အသိ ထီးတင်တဲ့ဘုရားက ဒီဘုရားဖြစ်လိမ့်မယ်လို့ ပြောပါတယ်.. အဲဒီကတော့ အုတ်ခုံသိပ်မမြင့်လို့ အုတ်ခုံပေါ်တက် ၊ လှေကားရင်းမှာ ဘုရားဝတ်ပြု ပုတီးစိတ်ပြီး ဘုရားဝင်းထဲပတ်ကြည့်တယ်.. ပန်းနံ့ရလို့ ဘေးဘီကိုကြည့်လိုက်တော့ တမာပင်တွေတွေ့တယ်.. တမာတွေပွင့်ချိန်မို့ မနက်ခင်းလေမှာ တမာနံ့လေးက သင်းနေတာပဲ.. သူငယ်ချင်းက အိပ်မက်ထဲမှာဖူးရတဲ့ဘုရားနဲ့ တူတော့တူတယ်.. ဒါပေမယ့် ဘုရားဝင်းထဲမှာ ရေမရှိဘူးတဲ့.. အန်.. နင်ကလည်း ခုခေတ်နဲ့ အရင်ခေတ်တူမလား.. အရင်တုန်းက ဒီဘက်တွေ ရေရှိချင်ရှိမှာပေါ့လို့ ... ရောက်တက်ရာရာပြောရင်း ပြန်ခဲ့ကြတယ်..

ကတ္တရာလမ်းကလည်း ဘုရားကြီးရှေ့ (ဂျီတီစီကျောင်းရှေ့)ထိပဲ ခင်းထားတာ.. ဘုရားလေးဘက်ကိုသွားတော့ ကျောက်ခင်းလမ်းပဲရှိတယ်..ဘုရားဝင်းနှစ်ခုက ကပ်ရပ်နော်.. ကျောင်းသားတွေညံမှာစိုးလို့ ကတ္တရာလမ်း ခင်းပေးထားတာနေမှာပေါ့လို့ မှတ်ချက်ချဖြစ်ကြတယ်.. အသွားလမ်း ပြေသလောက် အပြန်လမ်းဘက်က လှိုင်းများပါတယ်.. နောက်ကထိုင်တဲ့သူငယ်ချင်းကတော့ ရင်တမမနဲ့ပေါ့.. အသွားတုန်းက ဘုရားရောက်ရင် အေးအေးဆေးဆေးဘုရားဝတ်ပြု ၊ ပုတီးစိတ်မယ်လို့ ကြံတွေးထားသမျှ.. တကယ်ရောက်တော့ ခဲလေသမျှ သဲရေကျ.. ပဲရေပွဖြစ်ကုန်တယ်.. ဟီးး မနက်စောစောစီးစီး အရွယ်ကောင်းမိန်းကလေးနှစ်ယောက် ဘုရားလာဖူးကြတယ်ဆိုတော့ တို့တွေကို ဥစ္စာစောင့်တွေမှတ်နေကြဦးမယ်လို့ ပြောရင်းရယ်ကြရပါသေးတယ်.. မနေ့ကပါ..

လေပြေငယ်သွေးတယ်.. အတိတ်ရယ် အဝေးမယ်.. တရွေ့ရွေ့ကိုယ့်ဆီလှမ်းလာနေလား.. မနေဘူးလား.. အဖြေမရှာဖြစ်မိတာကြာပြီပဲ.. အတိတ်ပုံဆောင်တာတွေများတဲ့အချိန်မှာ ဒီလိုပဲ စိတ်ကယောင်ချောက်ချားဖြစ်တတ်လေရဲ့... ရွှန်းမြမြ မျက်ဝန်းနက်တွေနဲ့ ဟန်မဆောင်တတ်တဲ့ အကြည့်တွေအကြောင်းက ကံကောင်းလိုက်တာဆိုတဲ့ အတွေးတစ်ခုအောက်မှာ စုံးစုံးမြုပ် ပျောက်လုလု.. နဂိုကတည်းက လက်တွဲသွားမယ်မှ စိတ်မကူးဖြစ်ခဲ့တာ.. လေပြေငယ်အသော့မှာ ခပ်မော့မော့လေး ကြည်နူးချင်ခဲ့တာမျိုးပါ..

အချစ်စစ်ခြင်း မစစ်ခြင်းကို အပိုင်လိုချင်ခြင်းနဲ့ မလိုချင်ခြင်းဆိုတာတွေနဲ့ မတိုင်းတာနိုင်ဘူး.. ဒါပေမယ့် အချစ်စစ်-မစစ် တိုင်းတာဖို့အရာရော ရှိသလားတွေးရင် ကိုယ်မသိဘူးပဲ ဖြေမယ်.. တကယ်ကို မသိတာပါ.. အိပ်မက်တွေ မက်ဖူးပါရဲ့.. ဆက်ပြီးလည်း မက်နေဦးမယ်.. ငယ်ငယ်တုန်းကမက်တော့ ငယ်အိပ်မက်.. အသက်ကြီးမှမက်တော့ ကြီးအိပ်မက်လား.. ဘယ်လိုအိပ်မက်မျိုးဖြစ်ဖြစ် အိပ်မက်မက်စရာရှိတဲ့သူ ၊ အိပ်မက်မက်တတ်တဲ့သူက ဆက်မက်နေဦးမယ်.. အိပ်မက်မမက်တတ်တဲ့သူက အသက်ကြီးလှပြီ စိတ်ကူးက ယဉ်ကောင်းတုန်းလို့ အပြစ်ပြောမယ်.. စိတ်ကူးယဉ်တာက စိတ်ကူးရိုင်းတာထက်စာရင် တော်ပါသေးတယ်တဲ့.. ဆရာကြီးရွှေဥဒေါင်းပြောတာ ထင်ပါရဲ့..

သူများတွေရဲ့စိတ်တော့မသိဘူး.. ကိုယ့်ရဲ့စိတ်က ချစ်စရာမရှိရင် ကြမ်းတမ်းတတ်တဲ့ စိတ်မျိုးပဲ.. အဲဒါကြောင့် ကိုယ်ချစ်တဲ့အရာတွေသာ ပြောင်းသွားမယ်... ချစ်တတ်တဲ့သဘောကိုတော့ စွန့်လွှတ်ဖို့ လုံးလုံးမရှိဘူး.. မိန်းမတွေက ဒီအတိုင်းပဲလို့ ပြောချင်လည်း ပြောကြပါစေ.. ချစ်တတ်တဲ့မိန်းမတွေကြောင့် ဒီလောကကြီးက လှနေတာလို့ ကိုယ်ပြန်ပြောမယ်..

အိပ်မက်မက်တတ်သူတစ်ယောက်က သူလိုပဲ အိပ်မက်မက်တတ်တဲ့သူကို သူ့အိပ်မက်တွေအကြောင်း ပြောမယ်.. အိပ်မက်ဆက်မက်ချင်တဲ့အကြောင်း ဖြစ်ချင်လည်း ဖြစ်မယ်.. ဒီလိုအိပ်မက်မျိုး ဘယ်တော့မှ မမက်တော့ဘူးဆိုတာမျိုးလည်း ဖြစ်ချင်ဖြစ်မယ်.. မက်ချင်လောက်စရာအိပ်မက်တွေ မရှိတော့တဲ့အကြောင်းလည်း ဖြစ်ချင်ဖြစ်မယ်.. တကယ်က အိပ်မက်တွေကရှိပါတယ်.. ကိုယ်မက်ချင်နေသေးလား.. မမက်ချင်တော့ဘူးလားဆိုတာလေးပဲ..( သတိထားမိတာလေးပေါ့).. ပြီးတော့ အသက်အရွယ်ကိုလိုက်ပြီး အိပ်မက်တွေ ချို-မချိုဆိုတာလည်း ပြောင်းသွားနေဦးမယ်.. အိပ်မက်တွေကတော့ ဆက်ရှိနေဦးမှာပါပဲ..

ခရီးဆုံးချိန်

နှစ်သုံးဆယ်သာသာ..
ဝင်လေထွက်လေ
ရပ်ဆိုင်းချိန်ရှိ.. မသိ...။

ငြိမိ ထိမိသည်များ...
ငိုကြွေးခြင်းများ....
ပင့်သက်များ...
နှမြောတ,သခြင်းများ...
နောက်မှာထားခဲ့
ခရီးဆုံးချိန်....။



၉.၁.၂၀၁၀ တွင် ကွယ်လွန်သွားသော ကျောင်းနေဘက်သူငယ်ချင်း
ကိုသိန်းဇော်ဦးသို့ .....


 

Blog Template by Adam Every. Sponsored by Business Web Hosting Reviews