းးးးးးယုံကြည်စရာ အနာဂတ်မရှိရင် လူဆိုတာ ပျက်စီးတတ်တယ် ကလေးရားးးးး

ငယ်ငယ်ကသိပ်ကြိုက်ခဲ့တဲ့ ဆောင်းဦးလှိုင်သီချင်းထဲက စာသားလေးပါ.. ခုချိန်ထိလည်း အဲဒီသီချင်းကို ကြိုက်ပါတယ်.. လောလောလတ်လတ်တင် နားထောင်ဖြစ်ရင်း သီချင်းလိုက်ညည်းရင်း ဒီစာသားလေးကိုရေရွတ်မိတော့ တစ်ယောက်တည်းစိတ်ထဲက ပြုံးမိပါတယ်.. ငါကရော ပျက်စီးနေတဲ့လူစာရင်းထဲ ပါနေပြီလားလို့.. တွေးမိလို့ပါ.. ကျွန်တော့်အတွက် ယုံကြည်စရာအနာဂတ် ပျောက်နေခဲ့တာ ကြာခဲ့ပြီမို့လေ.. အနာဂတ်ဆိုတာကို သိပ်စိတ်မ၀င်စားတတ်တော့တာ ဘယ်လောက်ကြာနေပြီလဲတောင် မသိတော့ပါဘူး..

မူလတန်းကျောင်းသူ..အလယ်တန်းကျောင်းသူ..အထက်တန်းကျောင်းသူ.. အဲဒီဘ၀တွေတုန်းက မျှော်လင့်ချက်တစ်လှေကြီးနဲ့ အနာဂတ်အတွက် တက်ကြွနေတဲ့ ကိုယ့်ကိုယ်ကိုယ် ပြန်မြင်ရပါတယ်..

မူလတန်းကျောင်းသူဘ၀တုန်းက ကျွန်တော်ဖြစ်ချင်ခဲ့တာ စာသင်တဲ့ ဆရာမ.. အလယ်တန်းကျောင်းသူဖြစ်တော့ ဆရာ-ဆရာမတွေဖြစ်စေချင်ခဲ့တဲ့ ဆရာဝန်ဘ၀ဆိုတာကို အိပ်မက်ပြောင်းမက်ခဲ့တယ်.. အထက်တန်းကျောင်းသူဖြစ်တော့ အင်ဂျင်နီယာဖြစ်ဖို့ အိပ်မက်ပြောင်းသွားပြန်ရော.. MIT ကျောင်းကို အသေအလဲသွားချင်ခဲ့တာ.. ဒါပေမယ့် ဘယ်လိုင်းကို ၀ါသနာပါလှတယ်ရယ်လို့မဟုတ်ဘူး.. MIT ကျောင်းကို သွားတက်ချင်တာ.. အဲဒီတုန်းက ဆယ်တန်းအောင်ရင်ဆိုတဲ့.. ကျွန်တော့်အတွက် အနာဂတ်အိပ်မက်ဆိုတာ ပြိုးပြိုးပြက်ပြက်တောက်ပနေတဲ့အချိန်ပေါ့..

ဒီလိုနဲ့ ဆယ်တန်းအောင်ပါရော.. ဆရာ-ဆရာမတွေ နှစ်သိမ့်ပြုံးနဲ့ ဆေးကျောင်းမီမှာပါဆိုတဲ့ နှစ်သိမ့်စကားတွေကြားတိုင်း စိတ်ပျက်လက်ပျက်နဲ့ ဆေးကျောင်းမမီပါစေနဲ့လို့ ရင်တထိတ်ထိတ်ဆုတောင်းခဲ့ရတယ်.. အဲဒီအချိန်ထိ အမ်အိုင်တီကိုပဲ ရောက်ချင်ခဲ့တာ..ဘာရယ်မဟုတ်ပါဘူး.. ကျွန်တော်တို့တုန်းက ဆေးကျောင်းတွေပြီးရင် ဒုတိယအမှတ်အမြင့်ဆုံးက အမ်အိုင်တီလေ.. မှန်းထားတဲ့အတိုင်း MIT ကိုတက်ဖို့ အမှတ်မီတယ်.. ဒါပေမယ့် တက္ကသိုလ်ဝင်ခွင့်မှာ ထည့်မလျှောက်ဖြစ်လိုက်ဘူး.. အဖေက မလျှောက်ခိုင်းလို့.. ပြီးတော့ ကျွန်တော့်စိတ်ကလည်း MIT မတက်ရရင် တစ်ပိုင်းသေမလောက် ပြင်းပြတဲ့စိတ်အနေအထားမျိုးမရှိခဲ့တာလည်း ပါပါတယ်.. အဲဒီအချိန်ထိ ကျွန်တော့်အနာဂတ်က မပျောက်သေးဘူး.. သေချာပေါက် အမှတ်မီတဲ့ ကွန်ပျူတာတက္ကသိုလ်တက်ဖို့ အိမ်မှာ ဈေးရောင်းရင်းစောင့်ခဲ့တယ်.. ကွန်ပျူတာတက်မယ်သာပြောတာ.. ဘာကွန်ပျူတာသင်တန်းမှ မတက်ဖြစ်ခဲ့ဘူး.. တကယ်ပြောတာ..

နှစ်နှစ်လောက်အိပ်စောင့်လိုက်ရပြီး ရန်ကုန်ကျောင်းက ခေါ်စာရောက်လာတယ်.. ရန်ကုန်ကွန်ပျူတာကို သွားတက်ရတော့မယ်ဆိုပြီး ကြောက်လည်းကြောက်.. ရင်တွေလည်းခုန်ပေါ့.. (ရန်ကုန်ကို အောက်မြန်မာပြည်မှာနေတုန်းက ငယ်ငယ်တုန်းကပဲ ရောက်ခဲ့ပြီး မန္တလေးဘက်ပြောင်းလာရကတည်းက ပြန်မရောက်တော့တာ ခုချိန်ထိပဲ.. တောသူဖြစ်နေတာ အတော်ကြာခဲ့ပြီဆိုပါတော့.. ) ..ရန်ကုန်သွားဖို့ပြင်ဆင်.. ဘယ်မှာ ဘယ်လိုနေရမလဲ စိတ်ကူးအစီအစဉ်တွေဆွဲ... မန္တလေးကွန်ပျူတာကျောင်းက အဲဒီတုန်းက MIT ၀င်းထဲမှာ.. ကျွန်တော်တို့လို regular တန်းတွေအတွက် အတန်းမရှိသေးဘဲ ကြားဖြတ်ပြီး ၀င်ခွင့်နဲ့ခေါ်ထားတဲ့ အတန်းတွေပဲရှိသေးတယ်.. အဲဒီမှာ ညနေပိုင်းဒီပလိုမာတန်းတက်နေတဲ့ သူငယ်ချင်းတစ်ယောက်က ကျွန်တော်ရန်ကုန်ကွန်ပျူတာတက်ရမယ်ဆိုတော့ ၀မ်းသာအားရနဲ့.. ရန်ကုန်ကျောင်းတက်ရတာ ပိုကောင်းမယ့်အကြောင်း.. မန္တလေးကျောင်းက စာမသင်တဲ့အကြောင်းပြောပါတယ်.. ကျွန်တော်လည်း ရန်ကုန်သွားဖို့ အိပ်မက်တွေမက်လို့ပေါ့..

ကျွန်တော့်အိပ်မက်က တာရှည်မခံလိုက်ပါဘူး.. တစ်လလောက်နေတော့ မန္တလေးကွန်ပျူတာကျောင်းက ခေါ်စာထပ်ရောက်လာတယ်.. ဒဟတ်တောကွန်ပျူတာကို တက်ရမယ်ဆိုတဲ့အကြောင်း.. ရင်ထဲမှာ ငိုချင်တာလိုလို ရယ်ချင်တာလိုလိုနဲ့.. ငိုချင်တာက အင်မတန်တက်ချင်တဲ့ ရန်ကုန်ကျောင်းကို တက်ခွင့်မရတော့ဘူး.. ရယ်ချင်တာတော့ ကိုယ်ကျင်လည်နေကျပတ်ဝန်းကျင်ကနေ ဝေးဝေးမသွားရ .. ကိုယ့်အတွက် အိမ်က စရိတ်သိပ်မကုန်တော့ဘူးဆိုတဲ့ အတွေးကြောင့်ပါ.. အဲဒီတုန်းက ကျွန်တော့်အနာဂတ်လှမ်းကြည့်လိုက်တော့ ထင်ထားသလောက် အရောင်မတောက်ပတော့ပေမယ့် ခပ်လက်လက်လေး မြင်နေမိသေးတယ်..

ကျွန်တော်တို့ကျောင်းက ၂၀၀၀ ခုနှစ် စက်တင်ဘာ ၄ ရက်နေ့မှာဖွင့်တယ်.. ကျောင်းမဖွင့်ခင် ကျောင်းသွားအပ်ကြတယ်.. ဒဟတ်တောဆိုတာ ဘယ်နားမှန်းမသိ.. လိုက်ပို့ပေးတဲ့ ဦးလေးတစ်ယောက်နဲ့ ကျွန်တော် မေးရင်းမြန်းရင်း ကျောင်းကိုရောက်သွားခဲ့တယ်.. အပင်ကြီးကြီးမားမားမရှိ လူသူမရှိ..ခြောက်သယောင်းနေတဲ့ပတ်ဝန်းကျင်ရယ် .. ခပ်နုပ်နုပ်စာသင်ဆောင်လေးတွေကိုကြည့်ရင်း ကျွန်တော့်စိတ်ထဲ အတော်မောသွားပါတယ်.. ကိုယ့်တူမကို စိတ်မချတဲ့ ကျွန်တော့်ဦးလေးက ပြောရှာတယ်.. ဒီလောက်ဝေးတဲ့ကျောင်းကို တက်မယ့်ကျောင်းသူရော ရှိပါ့မလား.. ယောက်ျားလေးတွေပဲတက်မယ်ဆိုရင်တော့ ငါ့တူမ ဒီကျောင်းကို မတက်ရဘူးတဲ့.. ကျွန်တော့်စိတ်ထဲမှာတော့ ဦးလေးကို ဘာမှပြန်မပြောနိုင်လောက်အောင် စိတ်ပျက်လက်ပျက်ဖြစ်နေပြီ.. အနာဂတ်ဆိုတာ အရောင်တော်တော် မှိန်ကျသွားတယ်ထင်တာပါပဲ..

နောက်..ကျောင်းတက်ရတော့ တစ်ကျောင်းလုံးမှာ တစ်တန်းတည်းရှိတဲ့ ကျွန်တော်တို့အတန်းကို ဆရာမတွေက စာဖိသင်ကြတယ်.. ထင်ထားတာနဲ့ လွဲနေတော့ ပြန်အားတက်လာတယ်.. စာသင်သားပဲဟဲ့ပေါ့.. ကျွန်တော်တို့ အတန်းကို ဘယ်လောက်စာသင်လဲဆို MIT ကျောင်းဘက်က ရွှေ့လာတဲ့ ကျွန်တော်တို့ရဲ့စီနီယာတန်းတွေက မနာလိုဖြစ်ယူရလောက်အောင် သင်ပါတယ်.. ကျွန်တော်တို့ကိုကျတော့ စာသင်တယ်.. သူတို့ကိုကျတော့ မသင်ဘူးပေါ့.. ကျွန်တော်တို့အတန်းကို ဘာလို့စာဖိသင်လဲဆိုတော့ အတန်းက ၉၆ အောင်တွေရော ၊ ၉၇ ၊ ၉၈ အောင်တွေကိုပါ ပေါင်းခေါ်ထားလို့ ကျောင်းသားတွေ သိပ်နစ်နာမှာစိုးတဲ့အတွက် ၄ လနဲ့တစ်တန်း ပြီးရမယ်ဆိုတာကိုး.. ဒါပေမယ့် ၆လတန်းဖြစ်သွားပါတယ်.. ဒီလိုနဲ့ ပထမနှစ် ခြောက်လ ၊ ဒုတိယနှစ်ခြောက်လနေပြီး တတိယနှစ်ကျတော့ ဆယ်လတန်းပြန်ဖြစ်သွားတယ်..

ဒါနဲ့ကျောင်းပြီးရောဆိုပါတော့ .. ကျောင်းနေနေတုန်းက တစ်နှစ်တစ်တန်းအောင်ဖို့ ကြိုးစားစရာရှိသေးတယ်.. ကျောင်းလည်းပြီးသွားရော လူလည်း မျောက်သစ်ကိုင်းလွတ်သလို ဖြစ်သွားတယ်.. ဘာဆက်လုပ်ရမှန်းလည်း မသိတော့ဘူး..အနာဂတ်ဆိုတာ တွယ်ရာမဲ့ ဟာလာဟင်းလင်းကြီးဖြစ်နေခဲ့တာ ခုချိန်ထိပဲ...

ကိုယ်ဖြစ်ချင်တဲ့ဘ၀နဲ့ လက်ရှိအနေအထားက ဝေးကွာလွန်းတယ်.. ကျောင်းစာတော်တိုင်း အပြင်လောကမှာတိုးလို့မရဘူးဆိုတာ ကျောင်းမှာ rollျ ကောင်းခဲ့တဲ့ ကျွန်တော့်သူငယ်ချင်းတစ်ချို့က သက်သေခံတယ်.. ကျောင်းစာမတော်ပေမယ့် ကိုယ်စိတ်ဝင်စားရာအပိုင်းမှာ တော်တဲ့သူငယ်ချင်းတစ်ချို့ လိုအပ်တဲ့ ငွေကြေးအထောက်အပံ့မရှိလို့ ရှေ့ဆက်မသွားနိုင်ဖြစ်ပြီး ဆယ်တန်းဂိုက်လုပ်ရင်း ပိုက်ဆံရှာနေရတဲ့သူတွေရှိတယ်.. ပညာရေးလည်းကောင်း ၊ ထောက်ပံ့ပေးတဲ့သူလည်းရှိပေမယ့် ဒီလောကကို ကျောခိုင်းပြီး မင်္ဂလာဆောင်ရင် အမြီးတပ်ကောင်းရုံ ကျောင်းတက်သွားတဲ့ သူငယ်ချင်းတွေလည်းရှိတယ်.. စာသင်ရတာ ၀ါသနာပါလို့ကို ကျောင်းမှာ ဆရာမပြန်လုပ်တဲ့ သူငယ်ချင်းလည်းရှိတယ်.. စာသင်တာ ၀ါသနာ ပါပါ-မပါပါ လုပ်စရာမရှိလို့ ကျောင်းမှာဆရာမပြန်လျှောက်တဲ့ သူငယ်ချင်းတွေလည်းရှိတယ်..

ကျွန်တော်ကရော.. စာမသင်ချင်လို့ အစိုးရ၀န်ထမ်းမလုပ်ချင်လို့ ဆရာမ မလျှောက်ခဲ့တာ အပြင်မှာလုပ်ရတော့လည်း စာသင်ရတဲ့အလုပ်ပါပဲ.. ကျွန်တော့်အနာဂတ်ကဘာလဲလို့ မေးလိုက်ရင် အလင်းရောင်ရေးရေးတောင် မခံစားမိတဲ့ အမှောင်ထုတစ်ခုလို့ပဲ ဖြေရပါတော့မယ်..

ကျွန်တော်တွေးကြည့်မိတယ်.. ပျက်စီးနေတယ်ဆိုတဲ့သူတွေထဲမှာ ကျွန်တော်ပါနေပြီလားလို့....

2 Comments:

  1. NMA0707 said...
    Why don't u choose MIT? But I don't mean UCSM isn't good. I just amazing why u left MIT.
    NwaiHninn said...
    It's included in my post,bro ! :D Becoz of my father and by myeslf,thinking the nature of school .It's often closed for many reasons many times. There'r my classmates who got marks to go to MIT .But they also didn't applied for this reason.

Post a Comment




 

Blog Template by Adam Every. Sponsored by Business Web Hosting Reviews